Genesis 42:6 - Yn Vible Casherick 1775 1819

⁶ As va Joseph ny chiannoort harrish y cheer, as eshyn ve va creck rish ooilley sleih ny cheerey: as haink braaraghyn Yoseph, as chroym ad ad-hene sheese kiongoyrt rish, lesh nyn eddinyn gys y thalloo.

Genesis 42:6 ပူးပေါင်းရင်းမြစ်များ

Genesis 18:2

As hrog eh seose e hooillyn as yeeagh eh, as cur-my-ner, va three deiney nyn shassoo er-gerrey da: as tra honnick eh ad, roie eh nyn guail veih dorrys y chabbane, as chroym eh sheese eh hene lesh y thalloo.

Genesis 19:1

As haink daa ainle gys Sodom ’syn astyr: as va Lot ny hoie ayns giat Sodom: as tra honnick Lot ad, dirree eh seose dy gholl nyn guail, as chroym eh sheese e eddin lesh y thalloo.

Genesis 33:3

As hie eh harrish rhymboo, as chroym eh eh-hene gys y thalloo shiaght keayrtyn, derrey haink eh er-gerrey da e vraar.

Genesis 41:43

As hug eh er markiagh ayns y nah ainagh echey: as deïe ad roish, Croym-jee yn ghlioon: as hug eh da yn reill harrish ooilley cheer Egypt.

Genesis 41:54

As ghow ny shiaght bleeantyn dy ghortey toshiaght, myr va Joseph er ghra; as va’n ghenney ayns dy chooilley heer: agh ayns ooilley cheer Egypt va arran.

Genesis 41:57

As haink dy chooilley heer gys Egypt, gys Joseph, dy chionnaghey arran; er-yn-oyr dy row’n ghenney cha trome ayns dy chooilley heer.

Genesis 44:14

As haink Judah as e vraaraghyn gys thie Yoseph (son v’eh foast sthie) as huitt ad kiongoyrt rish, er y thalloo.

Genesis 45:26

As dinsh ad da, gra, Ta Joseph foast bio, as t’eh ny chiannoort harrish ooilley cheer Egypt. As ren cree Yacob gannooinaghey, son cha chred eh ad.

Genesis 45:8

Myr shen nish, cha nee shiuish hug mish gys shoh, agh Jee: as t’eh er n’yannoo mee myr ayr da Pharaoh as chiarn er ooilley e hie, as my er-reill harrish ooilley cheer Egypt.

Genesis 48:12

As ghow Joseph ad veih eddyr e ghlioonyn, as chroym eh sheese lesh e eddin gys y thalloo.

Raaghyn Creeney 11:26

Eshyn ta keiltyn e stoyr arroo, nee yn pobble gwee mollaght er: agh bee bannaght er y chione echeysyn ta dy chreck eh.

Isaiah 60:14

Ny mec ocsyn myrgeddin ren uss y heaghney hig ad croymmey sheese hood’s; as adsyn ooilley ren soiaghey beg jeed’s nee ad croymmey sheese ec boyn dty choshey; as nee ad uss y enmys, Ard-valley yn Chiarn, Zion Yee casherick Israel.

Jannoo 7:10

As livrey eh eh veih ooilley e heaghyn, as hug eh da foayr as creenaght ayns shilley Pharaoh ree Egypt; as ren eh eh ny chiannoort er Egypt, as ooilley e hie.

Ashlish 3:9

Cur-my-ner, ver-ym orroosyn jeh keeill Satan (ta gra dy nee Hewnyn ad, as nagh nee, agh ta breagagh) cur-my-ner, ver-yms orroo cheet as ooashley ’choyrt ec dty chassyn, as toiggal dy vel mish er ve graihagh ort.

1 Samuel 20:41

As cha leah’s va’n guilley er n’immeeaght, hrog David veih’n ynnyd my-yiass, as huitt eh er e eddin gys y thalloo, as chroym eh eh-hene three keayrtyn; as ren ad paagey y cheilley, as cheayn ad cooidjagh, agh David smoo ren dobberan.