Genesis 42:5 - Yn Vible Casherick 1775 1819

⁵ As haink mec Israel dy chionnaghey arroo, marish feallagh elley: son va’n ghortey ayns cheer Chanaan.

Genesis 42:5 ပူးပေါင်းရင်းမြစ်များ

Genesis 12:10

As va genney ayns y cheer; as hie Abram sheese gys Egypt, dy chummal ayns shen: son va’n genney dewil ayns y cheer.

Genesis 26:1

As va genney ’sy cheer, lurg y chied ghenney v’ayns laghyn Abraham: as hie Isaac gys Abimelech ree ny Philistinee, gys Gerar.

Genesis 41:54

As ghow ny shiaght bleeantyn dy ghortey toshiaght, myr va Joseph er ghra; as va’n ghenney ayns dy chooilley heer: agh ayns ooilley cheer Egypt va arran.

Genesis 41:57

As haink dy chooilley heer gys Egypt, gys Joseph, dy chionnaghey arran; er-yn-oyr dy row’n ghenney cha trome ayns dy chooilley heer.

2 Samuel 21:1

Nish va gortey ayns laghyn Ghavid three bleeaney, bleïn lurg bleïn; as vrie David jeh’n Chiarn. As dreggyr y Chiarn, Te kyndagh rish Saul, as kyndagh rish e hie folley, er-yn-oyr dy dug eh gy-baase ny Gibeoniteyn.

Jannoo 11:28

As hass seose fer jeu enmyssit Agabus, as hoilshee eh liorish y Spyrryd dy beagh genney vooar er feaï-ny-cruinney; shen haink myrgeddin gy-kione rish lhing Claudius Cesar.

Jannoo 7:11

Nish haink genney harrish ooilley cheer Egypt as Chanaan, as seaghyn mooar; as cha voddagh ny ayraghyn ain beaghey y gheddyn.