Genesis 42:4 - Yn Vible Casherick 1775 1819

⁴ Agh Benjamin, braar Yoseph, cha dug Jacob marish e vraaraghyn: son dooyrt eh, Er-aggle, trooid taghyrt, dy jig olk ny raad.

Genesis 42:4 ပူးပေါင်းရင်းမြစ်များ

Genesis 11:4

As dooyrt ad, Tar-jee, lhig dooin ard-valley as toor y hroggal, e vullagh nee roshtyn gys niau; as lhig dooin ynnyd-vaghee shickyr y yannoo dooin hene, nagh bee mayd skeaylt veih-my-cheilley er slane eaghtyr y thallooin.

Genesis 3:22

As dooyrt y Chiarn Jee, Cur-my-ner ta’n dooinney myr-yien er jeet dy ve myr unnane j’inyn, dy hoiggal mie as sie: as nish son nagh der eh magh e laue, as dy gow eh myrgeddin jeh billey’n vea, as gee jeh, as ve dy bragh beayn.

Genesis 35:24

Mec Rachel: Joseph as Benjamin.

Genesis 42:3

As hie jeih braaraghyn Yoseph sheese, dy chionnaghey arroo ayns Egypt.

Genesis 42:38

As dooyrt eh, Cha jed my vac sheese mêriu; son ta e vraar marroo, as ta eshyn faagit ny-lomarcan: my hig drogh haghyrt erbee er, ’sy raad ta shiu goll, eisht ver shiu lhieu sheese my chione lheeah lesh trimshey gys yn oaie.

Genesis 43:14

As dy der Jee ooilley-niartal diu foayr kiongoyrt rish y dooinney, dy vod eh lhiggey’n raad da nyn mraar elley, as Benjamin: my ta mee dy ve spooillit jeh my chloan bee’m spooillit.

Genesis 43:29

As hrog eh seose e hooillyn, as honnick eh e vraar Benjamin, mac e vayrey, as dooyrt eh, Nee shoh nyn mraar saa mychione loayr shiu rhym’s? As dooyrt eh, Dy bee Jee graysoil dhyt, my vac.