Genesis 42:34 - Yn Vible Casherick 1775 1819

³⁴ As cur-jee lhieu nyn mraar saa hym’s: eisht bee fys aym’s, nagh nee peeikearyn shiu, agh dy vel shiu deiney ynrick: myr shen livrey-yms hiu nyn mraar, as nee shiu dellal ’sy cheer.

Genesis 42:34 ပူးပေါင်းရင်းမြစ်များ

Genesis 20:15

As dooyrt Abimelech, Cur-my-ner, ta’n cheer aym’s kiongoyrt rhyt; gow dty chummal raad sailt.

Genesis 34:10

As nee shiu cummal mârin, as bee yn cheer eddyr shin: jean-jee baghey as dellal ayn, as gow-jee cummallyn diu hene.

Genesis 34:21

Ta ny deiney shoh sheeoil mârin, shen-y-fa lhig daue cummal ’sy cheer, as dellal ayn: son y cheer, cur-my-ner, te mooar dy liooar er ny son oc, lhig dooin goaill ny inneenyn ocsyn dooinyn son mraane, as lhig dooin cur dauesyn ny inneenyn ainyn.

Genesis 42:15

Liorish shoh bee shiu er ny phrowal; der bioys Pharaoh, cha jed shiu magh veih’n ynnyd shoh, mannagh jig nyn mraar saa hym’s gys shoh.

Genesis 42:20

Agh cur-jee lhieu nyn mraar saa hym’s; myr shoh bee ny goan eu jeant firrinagh, as cha vow shiu baase. As ren ad myr shen.

1 Reeaghyn 10:15

Marish y custom v’eh troggal jeh ny oaneryn lhuingey va dellal, as jeh cooid ny marchanyn-spice, as jeh ooilley reeaghyn Arabia, as jeh kiannoortyn y cheer.

Ezekiel 17:4

Yiare eh jeh baare ny banganyn aegey, as hug eh lesh eh gys cheer margee, as hoie eh eh ayns ard-valley ny marchanyn.