Genesis 42:18 - Yn Vible Casherick 1775 1819

¹⁸ As dooyrt Joseph roo yn trass laa, Shoh jean-jee, as bee nyn mioys lhieu: son ta mish goaill aggle roish Jee.

Genesis 42:18 ပူးပေါင်းရင်းမြစ်များ

Genesis 20:11

As dooyrt Abraham, Er-y-fa dy smooinee mee, son shickyrys, cha vel aggle Yee ’syn ynnyd shoh, as gowee ad ersooyl my vioys er choontey my ven.

Genesis 39:9

Cha vel unnane ny syrjey ’sy thie shoh na mish: chamoo t’eh er reayll nhee erbee voym’s, agh uss, er-yn-oyr dy nee oo yn ven echey: kys eisht oddym’s cur rish yn aggair vooar shoh, as peccah ’yannoo noi Jee?

Genesis 42:19

My she deiney ynrick shiu, lhig da fer jeh nyn mraaraghyn ve kianlt ayns thie’n phryssoon eu: gow-jee shiuish, cur-jee lhieu arroo son ymmyrch ny thieyn eu.

Nehemiah 5:15

Agh ny kiannoortyn va roym, v’ad errey trome er y pobble, as er hroggal jeu arran as feeyn, marish da-eed shekel dy argid, ren eer ny sharvaantyn oc tranlaase er y theay: agh cha ren mish myr shen, son dy row mee fo aggle Yee.

Nehemiah 5:9

Dooyrt mee ny-sodjey, Cha vel shiu jannoo dy mie, nagh lhisagh shiu gimmeeaght ayns aggle yn Jee ain, kyndagh rish oltooan ny ashoonee nyn noidyn?

Lioar Yob 1:1

Va dooinney ayns cheer Uz, va’n ennym echey Job; as va’n dooinney cheddin slane ynrick as jeeragh, goaill aggle roish Jee, as shaghney olk.

Exodus 1:17

Agh va ny mraane-reaylt ayns aggle Yee, as cha ren ad myr doardee ree Egypt daue, agh haue ad ny lhiennoo-mec bio.

Exodus 18:21

Myrgeddin jeeagh magh mastey ooilley’n pobble son deiney fondagh, ta goaill aggle roish Jee, deiney ynrick, dwoaiagh er saynt; nyn lheid oc shoh nee oo soiaghey harrystoo, dy ve son fir-reill er thousaneyn, as fir-reill er keeadyn, fir-reill er lieh-cheeadyn, as fir-reill er jeihghyn.

Leviticus 25:17

Shen-y-fa, cha jean shiu tranlaase er y cheilley; agh nee uss goaill aggle roish dty Yee; son mish y Chiarn y Jee eu.

Leviticus 25:43

Cha jean oo reill harrish lesh dewlys, agh gowee oo aggle roish dty Yee.

Noo Luke 18:2

Gra, Va ayns ard-valley dy row briw nagh row ayns aggle roish Jee, ny soiaghey jeh deiney.

Noo Luke 18:4

As son tammylt cha dug eh geill jee: agh ny lurg shen dooyrt eh rish hene, Ga nagh vel mee goaill aggle roish Jee, ny jannoo soiaghey jeh dooinney: