Genesis 42:10 - Yn Vible Casherick 1775 1819

¹⁰ As dooyrt adsyn rish, Cha nee, my hiarn, agh dy chionnaghey beaghey ta dty harvaantyn er jeet.

Genesis 42:10 ပူးပေါင်းရင်းမြစ်များ

Genesis 27:29

Lhig da pobble uss y hirveish, as ashoonyn croymmey hood; bee uss chiarn harrish dty vraaraghyn, as lhig mec dty vayrey biallys ’chur dhyt: bee mollaght ersyn ta guee mollaght ort, as bee bannaght ersyn ta dy dty vannaghey.

Genesis 27:37

As dreggyr Isaac, as dooyrt eh rish Esau, Cur-my-ner, ta mee er n’yannoo eh dty Hiarn, as ta mee er choyrt da ooilley e vraaraghyn dy hirveish eh; as lesh arroo as feeyn, ta mee er n’yannoo magh eh: as cre nee’m nish er dty hon’s, my vac?

Genesis 37:8

As dooyrt e vraaraghyn rish, Jean uss dy jarroo reill harrin? nee ayd’s vees yn ard reill harrin? as wheesh shen smoo dy ghwoaie foast v’oc er, son e ghreamallyn as son e ghoan.

Genesis 42:11

Ta shin ooilley mec un dooinney; she deiney ynrick shin; cha nee peeikearyn edyr dty harvaantyn.

Genesis 44:9

Er quoi-erbee jeh dty harvaantyn vees y ghriu er ny gheddyn, lhig dasyn chammah v’er ny choyrt gy-baase, as shin hene myrgeddin dy ve nyn gappee da my hiarn.

1 Reeaghyn 18:7

As myr va Obadiah er y raad, cur-my-ner, haink Elijah ny whail: as hug eh enney er, as huitt eh er e eddin, as dooyrt eh, Nee uss shen my hiarn Elijah?

1 Samuel 26:17

As hug Saul enney er coraa Ghavid, as dooyrt eh, Nee shoh’n coraa ayd’s, my vac Ghavid? as dooyrt David, She my choraa t’ayn, my hiarn, O ree.