Genesis 42:1 - Yn Vible Casherick 1775 1819

¹ Nish tra cheayll Jacob, dy row arroo ayns Egypt, dooyrt Jacob rish e vec, Cre’n-fa ta shiu jeeaghyn y derrey yeh er y jeh elley?

Genesis 42:1 ပူးပေါင်းရင်းမြစ်များ

Genesis 41:54

As ghow ny shiaght bleeantyn dy ghortey toshiaght, myr va Joseph er ghra; as va’n ghenney ayns dy chooilley heer: agh ayns ooilley cheer Egypt va arran.

Genesis 41:57

As haink dy chooilley heer gys Egypt, gys Joseph, dy chionnaghey arran; er-yn-oyr dy row’n ghenney cha trome ayns dy chooilley heer.

Genesis 42:2

As dooyrt eh, Cur-my-ner, ta mee er chlashtyn, dy vel arroo ayns Egypt; gow-jee sheese gys shen, as kionnee-jee er nyn son veih shen, dy vod mayd ve bio, as nagh vow mayd baase.

1 Reeaghyn 19:3

As tra honnick eh shen, hrog eh er, as chossyn eh roish son e vioys, as haink eh gys Beer-sheba, ta bentyn gys Judah, as daag eh e harvaant ayns shen.

Ezra 10:4

Trog ort, son ta’n chooish shoh bentyn dhyt: bee mayd myrgeddin mayrt; bee dunnal, as jean eh.

Exodus 20:18

As honnick ooilley’n pobble ny taarneeyn, as ny tendreilyn, as sheean y trumpet, as y slieau fo yaagh; as tra honnick y pobble shoh, scugh ad, as hass ad ny sodjey jeh.

Exodus 5:19

As honnick stiurtyn chloan Israel dy row ad ayns stayd treih, lurg da ve raït roo, Cha bee veg jeh coontey ny breekyn lhiggit sheese jeh nyn obbyr gagh-laa.

Jeremiah 8:14

Kys dy vel shin soie myr shoh? chaggle-jee shiu hene, as lhig dooin cosney stiagh gys ny ard-valjyn voallit, as lhig dooin ve nyn dhost ayns shen; son ta’n Chiarn nyn Yee er choyrt shin nyn dhost, as er chur dooin ushtey galley dy iu, er-yn-oyr dy vel shin er n’yannoo peccah noi’n Chiarn.

Hosea 5:13

Tra honnick Ephraim e hingys, as Judah e lhott, eisht hie Ephraim gys yn Assyrian, as hug eh fys gys ree Jareb: ny-yeih cha row eh son shiu y lheihys, ny nyn lhott y laanaghey.

Jannoo 7:12

Agh tra cheayll Jacob dy row arroo ayns Egypt, hug eh magh ny ayraghyn ain hoshiaght.

Galatianee 2:7

Agh er y cheu elley, tra honnick ad dy row sushtal yn an-ghiarey-chymmylt er ny choyrt er my churrym’s, myr va shen jeh’n ghiarey-chymmylt gys Peddyr;

Joshua 7:10

As dooyrt y Chiarn rish Joshua, Irree seose; cre’n-fa t’ou myr shoh lhie as dty veeal foyd?