Genesis 41:6 - Yn Vible Casherick 1775 1819

⁶ As cur-my-ner, daase seose shiaght jeeassyn boghtey, as fowanit lesh y gheay-niar, geiyrt orroo.

Genesis 41:6 ပူးပေါင်းရင်းမြစ်များ

Genesis 41:23

As cur-my-ner, daase shiaght jeeassyn, fioghit, thanney, as fowanit lesh y gheay-niar, seose geiyrt orroo.

Genesis 41:5

As chaddil eh, as ren eh dreamal yn nah cheayrt, as cur-my-ner, haink shiaght jeeassyn dy arroo seose er yn un stalk, slane appee as mie.

Genesis 41:7

As stroie ny shiaght jeeassyn boghtey ny shiaght jeeassyn slane appee: as ghooisht Pharaoh, as cur-my-ner, she dreamal v’ayn.

Ezekiel 17:10

Dy jarroo, cur-my-ner, nish te soit, jig eh er y hoshiaght? nagh jean eh dy bollagh fioghey, tra ta’n gheay-niar dy lomman eh? nee eh creenagh ayns ny creaghyn raad daase eh.

Ezekiel 19:12

Agh v’ee er ny astyrt ayns eulys, v’ee tilgit sheese gys y thalloo, as ren y gheay-niar shirgaghey seose ny messyn eck: va ny slattagyn lajer eck brisht as fiojit, stroie yn aile ad.

Hosea 12:1

Ta Ephraim beaghey er y gheay, as geiyrt da’n gheay-niar: t’eh gagh laa bishaghey breagyn as toyrt-mow, as t’ad jannoo conaant rish ny Assyrianee, as ta ooil er ny chur lesh gys Egypt.

Hosea 13:15

Ga dy vel eh messoil mastey e vraaraghyn, hig geay-niar er, hig lomman lajer veih’n Chiarn seose ass yn aasagh, as chyrmee eh seose ny farraneyn-geill echey, as hed ny strooanyn ushtey echey naardey, nee eh spooilley ooilley tashtaghyn ny siyn aalin.

Jonah 4:8

As haink eh gy-kione, tra dirree yn ghrian, dy doardee Jee geay-niar fowanagh; as cha lajer shen va chiass ny greïney er kione Yonah, dy huitt eh my-neealloo, as yeearree eh ayns e chree, dy gheddyn baase, as dooyrt eh, Te ny share dooys dy ve marroo na dy ve bio.