Genesis 41:57 - Yn Vible Casherick 1775 1819

⁵⁷ As haink dy chooilley heer gys Egypt, gys Joseph, dy chionnaghey arran; er-yn-oyr dy row’n ghenney cha trome ayns dy chooilley heer.

Genesis 41:57 ပူးပေါင်းရင်းမြစ်များ

Genesis 12:10

As va genney ayns y cheer; as hie Abram sheese gys Egypt, dy chummal ayns shen: son va’n genney dewil ayns y cheer.

Genesis 41:54

As ghow ny shiaght bleeantyn dy ghortey toshiaght, myr va Joseph er ghra; as va’n ghenney ayns dy chooilley heer: agh ayns ooilley cheer Egypt va arran.

Genesis 41:56

As va’n ghortey harrish ooilley eaghtyr y thallooin; as doshil Joseph ooilley ny thieyn-tashtee, as chreck eh rish ny Egyptianee; as vishee’n ghortey dy trome ayns cheer Egypt.

Genesis 42:1

Nish tra cheayll Jacob, dy row arroo ayns Egypt, dooyrt Jacob rish e vec, Cre’n-fa ta shiu jeeaghyn y derrey yeh er y jeh elley?

Genesis 42:5

As haink mec Israel dy chionnaghey arroo, marish feallagh elley: son va’n ghortey ayns cheer Chanaan.

Genesis 42:6

As va Joseph ny chiannoort harrish y cheer, as eshyn ve va creck rish ooilley sleih ny cheerey: as haink braaraghyn Yoseph, as chroym ad ad-hene sheese kiongoyrt rish, lesh nyn eddinyn gys y thalloo.

Genesis 43:1

As va’n ghortey trome ayns y cheer.

Genesis 47:14

As hrog Joseph ooilley yn argid v’er ny gheddyn ayns cheer Egypt, as ayns cheer Chanaan, son yn arroo v’ad er gionnaghey: as hug Joseph lesh yn argid gys thie Pharaoh.

Genesis 50:20

Agh er ny son euish, ren shiu smooinaghtyn dy olk m’oï; agh chiare Jee eh son bannaght, dy chur lesh eh mygeayrt, myr te er y laa t’ayn jiu, dy hauail mooarane pobble bio.

Deuteronomy 9:28

Er-aggle dy jir y cheer, voish hug oo lhiat ad magh, Son nagh dod y Chiarn ad y chur lesh gys y cheer yiall eh daue, as son dy row dwoaie echey orroo, t’eh er choyrt lesh ad magh, dy stroie ad ’syn aasagh.