Genesis 41:52 - Yn Vible Casherick 1775 1819

⁵² As denmys eh yn nah er Ephraim: son ta Jee er chur orrym ve messoil ayns cheer my heaghyn.

Genesis 41:52 ပူးပေါင်းရင်းမြစ်များ

Genesis 17:6

As ver-ym ort dy ve erskyn-towse messoil, as neem’s ashoonyn jeed as hig reeaghyn jeh dty luight.

Genesis 28:3

As dy jean Jee ooilley-niartal uss y vannaghey, as dy giall eh dhyt’s dy ve messoil, as oo y vishaghey, as dy vod uss ve earroo dy leih.

Genesis 41:51

As denmys Joseph yn fer shinney Manasseh: son ta Jee, dooyrt eh, er chur orrym jarrood ooilley my hooilleil, as ooilley my heaghyn ayns thie my ayrey.

Genesis 41:53

As va ny shiaght bleeantyn dy phalchey v’ayns thalloo Egypt, harrish.

Genesis 48:1

As haink eh gy-kione lurg ny reddyn shoh, dy row eh er ny insh da Joseph, Cur-my-ner, ta dty ayr ching: as ghow eh marish e ghaa vac, Manasseh as Ephraim.

Genesis 48:14

As heeyn Israel magh e laue yesh, as lhie eh eh er kione Ephraim, va’n er saa, as e laue chiare er kione Manasseh; leeideil e laueyn dy tastagh; son Manasseh va’n er shinney.

Genesis 48:5

As nish er son dty ghaa vac, Ephraim as Manasseh, va ruggit dhyt ayns cheer Egypt, roish my daink mish hood gys Egypt, she lhiam’s ad: myr Reuben as Simeon, bee ad lhiam’s.

Genesis 49:22

Ta Joseph ny vanglane messoil, eer ny vanglane messoil liorish chibbyr; ta ny banglaneyn echey skeayley harrish y voalley.

Genesis 50:23

As honnick Joseph cloan Ephraim, jeh’n trass heeloghe: myrgeddin va cloan Vachir, mac Vanasseh, troggit seose er glioonyn Yoseph.

Amos 6:6

Ta giu feeyn ayns siyn costal, as dy ooilaghey ad-hene lesh ooilyn costal: agh cha vel ennaghtyn oc son seaghyn Yoseph.

Earrooyn 26:28

Mec Yoseph, lurg ny kynneeyn oc, va Manasseh as Ephraim.

Jannoo 7:10

As livrey eh eh veih ooilley e heaghyn, as hug eh da foayr as creenaght ayns shilley Pharaoh ree Egypt; as ren eh eh ny chiannoort er Egypt, as ooilley e hie.

Joshua 14:4

Son va cloan Yoseph daa hribe, Manasseh as Ephraim; agh cha dug ad ayrn erbee ’sy cheer da ny Leviteyn, er-lhimmey jeh ard-valjyn dy chummal ayndoo, lesh ny gleebyn va bentyn roo son nyn maase as son nyn gooid.

Joshua 16:4

Myr shen ghow cloan Yoseph, Manasseh as Ephraim, nyn eiraght.

Joshua 17:1

Va cronney myrgeddin cour tribe Vanasseh, (son v’eh mac shinney Yoseph;) ta shen, son Machir mac shinney Vanasseh, ayr Ghilead; son dy nee dooinney caggee v’eh, shen-y-fa va Gilead as Bashan echey.

1 Samuel 1:20

Shen-y-fa haink eh gy-kione, lurg da Hannah v’er yientyn, as y traa eck er jeet, dy ren ee mac y ymmyrkey, as denmys ee eh Samuel, gra, Er-yn-oyr dy vel mee er yeearree eh veih’n Chiarn.