Genesis 41:49 - Yn Vible Casherick 1775 1819

⁴⁹ As haggil Joseph arroo myr genniagh ny marrey, ayns lheid y phalchey derrey nagh dod eh coontey sodjey y reayll, son ve erskyn towse.

Genesis 41:49 ပူးပေါင်းရင်းမြစ်များ

Genesis 22:17

Lesh bannaghtyn neem’s uss y vannaghey, as lesh bishagh neem’s bishaghey dty luight myr rollageyn yn aer, as myr y gheinnagh t’er oirr ny marrey; as yiow dty luight’s possession ayns giat e noidyn.

Genesis 41:48

As haggil eh seose ooilley beaghey ny shiaght bleeantyn v’ayns cheer Egypt, as ren eh stoyral seose yn beaghey ayns ny ard-valjyn: arroo’n vagher, va mygeayrt dagh ard-valley, hasht eh seose ayndoo.

Genesis 41:50

As da Joseph va er ny ruggey daa vac roish my daink ny bleeantyn gonney; ren Asenath, inneen Potipherah prince jeh On, gymmyrkey da.

Lioar Yob 1:3

Va e chooid myrgeddin shiaght thousane keyrrey, as three thousaneyn dy chamelyn, as queig cheead whing dy ghew, as queig cheead assyl bwoirryn, as niart mooinjer; myr shen dy row yn dooinney shoh yn er s’berchee jeh ooilley deiney’n niar.

Psalmyn 78:27

Hug eh er y gheay-niar dy heidey fo’n aer: as trooid e phooar hug eh lesh stiagh yn gheay-neear-ass.

Jeremiah 33:22

Myr nagh vod earroo ve goit jeh rollageyn yn aer, ny genniagh ny marrey ve towshit; myr shen neem’s bishaghey sluight Ghavid my harvaant, as ny Leviteyn my hirveishee.

Briwnyn 6:5

Son haink ad seose lesh nyn maase as nyn gabbaneyn, as haink ad myr locustyn ayns earroo, son va chammah ad-hene as ny camelyn oc erskyn coontey: as haink ad stiagh ayns y cheer dy chur mow eh.

Briwnyn 7:12

As va ny Midianiteyn, as ny Amalekiteyn, as ooilley cloan y shiar, lhie skeaylt ’sy choan myr locustyn son earroo; as va ny camelyn oc erskyn coontey, myr yn gheinnagh rish oirr ny marrey.

1 Samuel 13:5

As haggil ny Philistinee ad-hene cooidjagh dy chaggey rish Israel, three thousane fainagh, as shey thousane markiaght, as ny coshee myr yn gheinnagh er oirr ny marrey ayns earroo: as haink ad seose, as ren ad campal ayns Michmash, shiar veih Beth-aven.