Genesis 41:43 - Yn Vible Casherick 1775 1819

⁴³ As hug eh er markiagh ayns y nah ainagh echey: as deïe ad roish, Croym-jee yn ghlioon: as hug eh da yn reill harrish ooilley cheer Egypt.

Genesis 41:43 ပူးပေါင်းရင်းမြစ်များ

Genesis 41:42

As ghow Pharaoh jeh yn fainey echey veih e laue, as hug eh er laue Yoseph eh, as choamree eh eh ayns garmadyn sheeidey, as hug eh boandey dy airh mooish e wannal.

Genesis 41:44

As dooyrt Pharaoh rish Joseph, Mish Pharaoh, as dt’egooish cha jean dooinney erbee troggal seose e laue ny e chass ayns ooilley cheer Egypt.

Genesis 42:30

Yn dooinney ta chiarn ny cheerey, loayr eh dy baggyrtagh rooin, as ghow eh shin son peeikearyn ’sy cheer.

Genesis 42:33

As dooyrt y dooinney, chiarn ny cheerey rooin, Liorish shoh bee fys aym, dy nee deiney ynrick shiu: faag-jee fer jeh nyn mraaraghyn ayns shoh mârym’s, as gow shiuish beaghey son êgin nyn lught-thie, as immee-jee reue.

Genesis 42:6

As va Joseph ny chiannoort harrish y cheer, as eshyn ve va creck rish ooilley sleih ny cheerey: as haink braaraghyn Yoseph, as chroym ad ad-hene sheese kiongoyrt rish, lesh nyn eddinyn gys y thalloo.

Genesis 45:26

As dinsh ad da, gra, Ta Joseph foast bio, as t’eh ny chiannoort harrish ooilley cheer Egypt. As ren cree Yacob gannooinaghey, son cha chred eh ad.

Genesis 45:8

Myr shen nish, cha nee shiuish hug mish gys shoh, agh Jee: as t’eh er n’yannoo mee myr ayr da Pharaoh as chiarn er ooilley e hie, as my er-reill harrish ooilley cheer Egypt.

Genesis 50:18

As hie e vraaraghyn myrgeddin, as huitt ad sheese ’syn enish echey, as dooyrt ad, Cur-my-ner, ta shinyn dty harvaantyn.

Genesis 50:9

As hie seose mârish, chammah fainee as markee: as v’ad sheshaght feer vooar.

Esther 10:3

Son va Mordecai yn Ew yn fer by-niessey da ree Ahasuerus, as ard mastey ny Hewnyn as soit jeh liorish earroo e chaarjyn, imneagh son maynrys e phobble, as cur er y hoshiaght shee ooilley e chynney.

Esther 3:2

As ren ooilley sharvaantyn y ree, va ayns giat y ree, croymmey as ooashley choyrt da Haman; son shen myr doardee yn ree mychione echey: agh cha chroym Mordecai, chamoo hug eh ooashley da.

Ecclesiastes 4:14

Son ass pryssoon t’eh cheet dy reill, as t’eshyn ta ruggit ayns e reeriaght cheet gys boghtynid.

Daniel 2:48

Eisht ren y ree ny ghooinney ooasle jeh Daniel, as hug eh da ymmodee giootyn mooarey, as hug eh da yn reill harrish slane rheam Vabylon, as yn ard-chiannoortys harrish ooilley deiney-creeney Vabylon.

Jannoo 7:10

As livrey eh eh veih ooilley e heaghyn, as hug eh da foayr as creenaght ayns shilley Pharaoh ree Egypt; as ren eh eh ny chiannoort er Egypt, as ooilley e hie.

Philippianee 2:10

Ec ennym Yeesey dy jinnagh dy chooilley ghlioon lhoobey, dy reddyn ayns niau, as reddyn er y thalloo, as dy reddyn fo’n thalloo;