Genesis 41:38 - Yn Vible Casherick 1775 1819

³⁸ As dooyrt Pharaoh rish e hirveishee, C’raad yiow mayd y lheid shoh, dooinney ayn ta spyrryd Yee?

Genesis 41:38 ပူးပေါင်းရင်းမြစ်များ

Lioar Yob 32:8

Agh ta spyrryd ayns dooinney; as ta bree yn Ooilley-niartal cur tushtey daue.

Daniel 5:14

Ta mee er chlashtyn jeed’s, dy vel spyrryd ny flaunyssee aynyd, as dy vel soilshey, as tushtey, as ard-chreenaght ry-gheddyn aynyd’s.

Daniel 5:11

Ta dooinney ayns dty reeriaght, ta spyrryd ny flaunyssee noo ayn, as rish lhing dty ayrey, va soilshey, as tushtey, as creenaght casley rish creenaght ny flaunyssee ry-gheddyn aynsyn; eh ren ree Nebuchadnezzar dty ayr ny vainshtyr harrish ny deiney-creeney, ny rollageydee, ny Caldeanee, as ny fir-ysseree.

Earrooyn 27:18

As dooyrt y Chiarn rish Moses, Gow hood Joshua mac Nun, dooinney ta’n spyrryd (dy chreenaght) ayn, as lhie dty laue er.

Daniel 4:18

Yn dreamal shoh ta mish ree Nebuchadnezzar er vakin: nish uss, O Velteshazzar, soilshee yn bun echey, son wheesh as nagh vel ooilley deiney-creeney my reeriaght son soilshaghey bun y chooish: agh t’ou uss er y hon, son ta spyrryd ny flaunyssee noo aynyd’s.

Daniel 4:6

Shen-y-fa doardee mee ooilley deiney-creeney Vabylon dy heet kiongoyrt rhym, dy hoilshaghey dou bree yn dreamal.

Daniel 6:3

Eisht va’n Daniel shoh soit erskyn ny ard-reiltee as ny princeyn, er-yn-oyr dy row spyrryd erskyn-towse toiggalagh aynsyn; as chiare y ree dy hoiaghey eh harrish y slane rheam.

Genesis 41:37

As va’n choyrle mie ayns shilley Pharaoh, as ooilley e hirveishee.

Isaiah 19:11

Shickyr ta princeyn Zoan mee-cheeayllagh, ta coyrle fir-choyrlee creeney Pharaoh er jeet dy ve bolvaneagh: kys ta shiu gra rish Pharaoh, Mish mac yn er-creeney, mac dy henn reeaghyn?

Ezra 7:25

As uss Ezra, lurg creenaght dty Yee, t’ayns dty laue, jean soiaghey seose fir-oik, as briwnyn, dy vriwnys ooilley’n pobble t’er cheu elley jeh’n awin, ooilley lheid as ta toiggal leighyn dty Yee, as ynsee adsyn nagh vel toiggal ad.

Raaghyn Creeney 14:35

Ta’n ree goaill taitnys ayns shirveishagh creeney: agh ta e chorree n’oï-syn, t’eh goaill nearey jeh.

Raaghyn Creeney 22:29

Vel oo fakin dooinney jeidjagh ayns e obbyr? nee eh shassoo fenish reeaghyn, cha jean eh shirveish deiney donney.

Daniel 6:4

Eisht va ny ard-reiltee as ny princeyn shirrey oyr plaiynt noi Daniel, mychione y reeriaght, agh cha dooar ad oyr ny foill: son wheesh as dy row eh firrinagh, chamoo va foill ny loght erbee ry-gheddyn ayn.