Genesis 41:32 - Yn Vible Casherick 1775 1819

³² As son dy row yn dreamal er ny ghoobley da Pharaoh, te, er-yn-oyr dy vel y chooish er ny oardaghey liorish Jee, as nee Jee shen dy gerrit y chooilleeney.

Genesis 41:32 ပူးပေါင်းရင်းမြစ်များ

Genesis 37:7

Son, Cur-my-ner, va shin kiangley bunneeyn ’sy vagher, as cur-my-ner, hrog yn vunney aym’s, as myrgeddin, hass eh seose jeeragh; as cur-my-ner, hass ny bunneeyn euish ooilley mygeayrt, as ren ad biallys da’n vunney aym’s.

Genesis 37:9

As ren eh reesht dreamal elley, as dinsh eh da e vraaraghyn eh, as dooyrt eh, Cur-my-ner, ta mee er n’yannoo dreamal elley, as cur-my-ner, ren y ghrian, as yn eayst, as ny un rollageyn jeig biallys dou.

Genesis 41:25

As dooyrt Joseph rish Pharaoh, Cha vel dreamal Pharaoh cowraghey agh yn un red: ta Jee er hoilshaghey da Pharaoh, cre t’eh kiarail dy yannoo.

Genesis 41:28

Shoh’n red ta mee er loayrt rish Pharaoh: ny ta Jee kiarail dy yannoo, t’eh soilshaghey da Pharaoh.

Genesis 41:31

As cha bee cooinaghtyn er y phalchey ’sy cheer, kyndagh rish y ghortey shen hig geiyrt er: son bee eh feer trome.

Isaiah 30:33

Son s’foddey neayr’s va Tophet er ny oardaghey, eer cour yn ree te kiarit; t’eh er n’yannoo eh dowin as lhean: ta yn chreagh echey aile as lane fuygh, ta ennal y Chiarn myr strooan dy vrimstone dy oaddey eh.

Daniel 2:45

Son wheesh as dy vaik oo, dy row yn clagh cleiyt ass y clieau gyn laueyn, as dy vrish eh ayns peeshyn yn yiarn, y phrash, y chray, yn argid, as yn airh; ta’n Jee mooar er hoilshaghey da’n ree, cre hig gy-kione ny lurg shoh: as ta’n dreamal firrinagh, as y bun t’er shickyr.

Earrooyn 23:19

Cha vel Jee myr dooinney, dy yannoo foalsaght, chamoo myr mac dooinney, dy chaghlaa e aigney: vel eh er ghra, as nagh jean eh cooilleeney? ny vel eh er loayrt, as nagh jean eh mie jeh?

Noo Mian 24:35

Nee yn aer as yn ooir cherraghtyn, agh my ghoan’s cha jean cherraghtyn.

Noo Mian 25:34

Eisht jir y ree roosyn er e laue yesh, Tar-jee chloan vannit my Ayrey, gow-jee eiraght ’sy reeriaght ta kiarit diu er-dy hoshiaght y theihll.

Noo Mian 25:41

Eisht jir eh roosyn myrgeddin er y laue chiare, Immee-jee voym, chloan chustey gys yn aile dy bragh farraghtyn, kiarit son y drogh-spyrryd as e ainleyn.

Noo Mark 10:40

Agh dy hoie er my laue yesh as er my laue chiare, cha vel shen lhiam’s dy choyrt, agh bee eh er ny choyrt ynrycan dauesyn er nyn son te kiarit.

1 Corinthianee 2:9

Agh myr te scruit, Cha vel sooill er vakin, ny cleaysh er chlashtyn, chamoo te ayns cree dooinney dy hoiggal ny reddyn ta Jee er chiarail er ny son ocsyn ta graihagh ersyn.

2 Corinthianee 13:1

Shoh’n trass cheayrt ta mee cheet hiu: Ayns beeal ghaa ny three dy eanishyn bee dy chooilley ockle jeant mie.

Ashlish 9:15

As va ny kiare ainleyn er nyn veaysley, va kiarit son oor, as laa, as mee, as bleïn, dy stroie yn trass ayrn jeh sheelnaue.