Genesis 41:26 - Yn Vible Casherick 1775 1819

²⁶ Ta ny shiaght booaghyn mie, cowraghey shiaght bleeantyn; as ta ny shiaght jeeassyn mie, shiaght bleeantyn: ta’n dreamal yn un chooid.

Genesis 41:26 ပူးပေါင်းရင်းမြစ်များ

Genesis 2:24

Er-yn-oyr shoh faagee dooinney e ayr as e voir, as bee eh er ny lhiantyn gys e ven: as bee ad un eill.

Genesis 40:12

As dooyrt Joseph rish, Shoh ny ta er ny hoiggal liorish; Ta ny three banglaneyn cowraghey three laa.

Genesis 40:18

As dreggyr Joseph, as dooyrt eh, Shoh’n meanal echey: Ta ny three basketyn cowraghey three laa.

Genesis 41:2

As cur-my-ner, haink seose ass yn awin, shiaght booaghyn aalin, as slane beiyht: as ren ad gyndyr ayns lheeannee.

Genesis 41:25

As dooyrt Joseph rish Pharaoh, Cha vel dreamal Pharaoh cowraghey agh yn un red: ta Jee er hoilshaghey da Pharaoh, cre t’eh kiarail dy yannoo.

Genesis 41:27

As ta ny shiaght booaghyn shang as graney, haink seose geiyrt orroo, shiaght bleeantyn: as bee ny shiaght jeeassyn follym fowanit lesh y gheay-niar, shiaght bleeantyn dy ghortey.

Genesis 41:29

Cur-my-ner, ta shiaght bleeantyn dy phalchey mooar ry-heet, trooid ooilley cheer Egypt.

Genesis 41:47

As ayns ny shiaght bleeantyn dy phalchey, hug y thalloo magh bishaghey erskyn towse.

Genesis 41:5

As chaddil eh, as ren eh dreamal yn nah cheayrt, as cur-my-ner, haink shiaght jeeassyn dy arroo seose er yn un stalk, slane appee as mie.

Genesis 41:53

As va ny shiaght bleeantyn dy phalchey v’ayns thalloo Egypt, harrish.

Exodus 12:11

As shoh myr nee shiu gee eh; lesh nyn meeghyn cryssit, nyn mraagyn er nyn gassyn, as y lorg eu ayns nyn laue: as nee shiu gee eh ayns siyr; eayn-caisht y Chiarn eh.

Exodus 26:6

As nee oo jeih clespyn as da-eed dy airh; as nee oo coopley ny curtanyn lesh ny clespyn; as bee eh un chabbane.

Daniel 2:45

Son wheesh as dy vaik oo, dy row yn clagh cleiyt ass y clieau gyn laueyn, as dy vrish eh ayns peeshyn yn yiarn, y phrash, y chray, yn argid, as yn airh; ta’n Jee mooar er hoilshaghey da’n ree, cre hig gy-kione ny lurg shoh: as ta’n dreamal firrinagh, as y bun t’er shickyr.

1 Corinthianee 10:4

As ren ad ooilley giu yn jough spyrrydoil cheddin: (son ren ad giu jeh’n Chreg spyrrydoil shen deiyr orroo; as y Chreg shen va Creest.)

1 Ean 5:7

Son ta three ayn ta gymmyrkey feanish ayns niau, yn Ayr, yn Goo, as y Spyrryd Noo: as ta’n three shoh unnane.