As cur-my-ner, haink shiaght beiyn elley seose geiyrt orroo, boght, as feer ghrow, as thanney ayns feill, lheid as nagh vaik mee rieau ayns cheer Egypt son meillid.
Myr shoh ta’n Chiarn, Jee Israel, dy ghra, Casley rish ny figgyn mie shoh, myr shen goym’s roosyn dy Yudah ta er n’gholl ayns cappeeys; adsyn ta mee er choyrt magh ass yn ynnyd shoh gys cheer ny Caldeanee son foays daue.
As myr ny drogh figgyn, nagh vel son ee, t’ad cha olk shen; (son shickyrys myr shoh ta’n Chiarn dy ghra,) Myr shen livrey-yms Zedekiah ree Yudah, as e phrinceyn, as fooilliagh Yerusalem ta faagit ’sy cheer shoh, as adsyn ta cummal ayns cheer Egypt;