Genesis 41:1 - Yn Vible Casherick 1775 1819

¹ As ve myr shen, ec kione daa vleïn, dy ren Pharaoh dreamal, as cur-my-ner, hass eh liorish yn awin.

Genesis 41:1 ပူးပေါင်းရင်းမြစ်များ

Genesis 20:3

Agh haink Jee gys Abimelech ayns ashlish ’syn oie, as dooyrt eh rish, Cur-my-ner, cha vel oo agh dooinney marroo, kyndagh rish y ven t’ou er ghoaill: son t’ee ben dooinney elley.

Genesis 28:12

As ren eh dreamal, as honnick eh myr aarey soit er y thalloo, as va’n mullagh echey roshtyn gys niau: as cur-my-ner, ainleyn Yee goll seose, as cheet neose er,

Genesis 29:14

As dooyrt Laban rish, Son shickyrys, t’ou my chraue as my eill: as duirree eh mârish mee dy hraa.

Genesis 31:21

Myr shen chossyn eh roish lesh ooilley ny v’echey, as hrog eh er, as hie eh harrish yn awin, as hoie eh e eddin lesh slieau Ghilead.

Genesis 40:23

Ny-yeih cha chooinee yn ard-vutler er Joseph, agh yarrood eh eh.

Genesis 40:5

As ren ad ny-neesht dreamal, dagh fer jeu e ghreamal ’syn un oie, dagh dooinney rere e ghreamal; yn ard-vutler as stiurt ree Egypt, va ayns y phryssoon.

Genesis 41:2

As cur-my-ner, haink seose ass yn awin, shiaght booaghyn aalin, as slane beiyht: as ren ad gyndyr ayns lheeannee.

Esther 6:1

Er yn oie shen cha daink cadley er y ree, as doardee eh lioar recortyssyn y reeriaght dy ve er ny choyrt, lesh huggey, as v’ad lhaiht ayns clashtyn y ree.

Exodus 1:22

As hug Pharaoh currym er ooilley e phobble, gra, Dy chooilley lhiannoo-mac hig son y theihll nee shiu ceau ’syn awin, agh dy chooilley inneen nee shiu sauail bio.

Exodus 4:9

As hig eh gy-kione, mannagh gred ad yn daa chowrey shoh, ny geill y choyrt da dty choraa, dy drog oo jeh ushtey ny hawin, as dy deayrt oo eh er y thalloo chirrym: as hig yn ushtey t’ou dy ghoaill ass yn awin, dy ve fuill er y thalloo chirrym.

Isaiah 19:5

As nee ny ushtaghyn failleil veih’n aarkey, as bee’n awin naardey as chyrmit seose.

Ezekiel 29:3

Loayr, as abbyr, Myr shoh ta’n Chiarn Jee dy ghra, Cur-my-ner, ta mish dt’oï’s, Pharaoh, ree Egypt, yn dragon mooar ta lhie ayns mean ny awinyn echey, ta er ghra, Ta’n awin aym’s lhiam pene, as my chour hene ta mee er n’yannoo eh.

Ezekiel 29:9

As bee thalloo Egypt treigit, as naardey; as bee fys oc dy nee mish y Chiarn; er-yn-oyr dy vel ad er ghra, Ta’n awin shoh lhiam’s, as ta mee hene er n’yannoo eh.

Noo Mian 27:19

Erreish da soie er stoyl y vriwnys, hug e ven fys huggey, gra, Ny bee veg ayd’s dy yannoo rish y dooinney cairagh shen: son s’mooar ta mee er hurranse jiu ayns my chadley, er y choontey echeysyn.

Deuteronomy 11:10

Son cha vel y cheer, ta kiarit son y chummal ayd’s, myr thalloo Egypt, voish ta shiu er jeet magh, raad chuirr oo dty rass, as hyndaa oo yn ushtey er lesh dty chass, myr garey dy lossreeyn: