Genesis 40:20 - Yn Vible Casherick 1775 1819

²⁰ As haink eh gy-kione er yn trass laa, va corrym gys y laa ruggyr Pharaoh, dy ren eh cuirraghyn da ooilley e ard-gheiney, as ren eh soiaghey seose yn ard-vutler, as yn ard-stiurt mastey ny fir-oik.

Genesis 40:20 ပူးပေါင်းရင်းမြစ်များ

Genesis 21:8

As daase y lhiannoo, as v’eh er ny harbaa: as ren Abraham cuirraghyn mooarey, yn laa cheddin va Isaac charbaït.

Genesis 40:13

Foast cheu-sthie jeh three laa, nee Pharaoh troggal seose dty chione, as goaill oo stiagh reesht gys dty oik; as ver oo cappan Pharaoh ayns e laue, myr bollagh oo, tra v’ou yn butler echey.

Genesis 40:19

Foast cheu-sthie jeh three laa, nee Pharaoh troggal seose dty chione jeed, as oo y chroghey er billey, as nee ny eeanlee gee dty eill jeed.

1 Reeaghyn 3:15

As ghooisht Solomon; as cur-my-ner, she ashlish v’ayn. As haink eh gys Jerusalem, as hass eh kiongoyrt rish arg conaant y Chiarn, as heb eh ourallyn-losht, as heb eh ourallyn-shee, as ren eh cuirraghyn da ooilley ny fir-oik echey.

2 Reeaghyn 25:27

Haink eh gy-kione ayns y chiaghtoo vleïn jeig as feed jeh cappeeys Jehoiachin ree Yudah, ayns y nah vee yeig, er y chiaghtoo laa as feed jeh’n vee, dy ren Evil-merodach, ree Vabylon, ayns y chied vleïn jeh e reill, kione Jehoiachin ree Yudah y hroggal seose ass pryssoon;

Esther 1:3

Ayns y trass vleïn jeh e reill, ren eh cuirraghyn da ooilley e phrinceyn, as e harvaantyn; pooaraghyn Phersia as Media, ard-gheiney as princeyn ny rheamyn ec y traa cheddin kionfenish.

Lioar Yob 3:1

Ny lurg shoh doshil Job e veeal, as ghwee eh da’n laa ruggyr eh.

Psalmyn 105:19

Derrey haink y traa dy row e chooish er ny hoilshaghey: ren goo yn Chiarn eshyn y phrowal.

Jeremiah 52:31

As haink eh gy-kione ayns y chiaghtoo vleïn jeig as feed jeh cappeeys Yehoiachin ree Yudah, ayns y nah vee yeig, er y wheiggoo laa as feed jeh’n vee, dy ren Evil-merodach ree Vabylon, ayns y chied vleïn jeh e reill, troggal seose kione Yehoiachin ree Yudah, as hug eh lesh eh ass pryssoon,

Noo Mian 14:6

Agh er y laa v’er ny reayll corrym rish y laa ruggyr Herod, ghaunse inneen Herodias ayns yn enish oc, as ghow Herod lane boggey j’ee.

Noo Mian 25:19

Agh lurg foddey dy hraa haink chiarn ny sharvaantyn shen, as ren eh coontey roo.

Noo Mark 6:21

Agh tra va laa jesh er y hon er jeet, dy ren Herod corrym rish y laa ruggyr eh, shibber y yannoo, son e hiarnyn, ard-chaptanyn, as deiney ooasle Ghalilee: