Genesis 40:19 - Yn Vible Casherick 1775 1819

¹⁹ Foast cheu-sthie jeh three laa, nee Pharaoh troggal seose dty chione jeed, as oo y chroghey er billey, as nee ny eeanlee gee dty eill jeed.

Genesis 40:19 ပူးပေါင်းရင်းမြစ်များ

Genesis 40:13

Foast cheu-sthie jeh three laa, nee Pharaoh troggal seose dty chione, as goaill oo stiagh reesht gys dty oik; as ver oo cappan Pharaoh ayns e laue, myr bollagh oo, tra v’ou yn butler echey.

Genesis 40:17

As ayns y vasket b’yrjey, va jeh dy chooilley vonney dy vee broit ’syn oghe, son Pharaoh; as d’ee ny eeanlee ad, ass y vasket, v’er my chione.

Genesis 40:18

As dreggyr Joseph, as dooyrt eh, Shoh’n meanal echey: Ta ny three basketyn cowraghey three laa.

Genesis 40:20

As haink eh gy-kione er yn trass laa, va corrym gys y laa ruggyr Pharaoh, dy ren eh cuirraghyn da ooilley e ard-gheiney, as ren eh soiaghey seose yn ard-vutler, as yn ard-stiurt mastey ny fir-oik.

Genesis 40:22

Agh yn ard-stiurt ren eh ’chroghey, myr va Joseph er hoilshaghey daue.

Genesis 41:13

As haink eh gy-kione, myr dooyrt eshyn, myr shen haink eh mygeayrt; mish hug eh stiagh reesht gys my oik, agh eshyn hrogh eh.

2 Samuel 21:10

As ghow Rizpah inneen Aiah aanrit-sack, as skeayl ee eh er y chreg, veih toshiaght yn ouyr derrey huitt fliaghey neose orroo veih’n aer, as cha lhig ee da eeanlee’n aer dy heet orroo ’sy laa, ny beishtyn y vagher ’syn oie.

2 Samuel 21:6

Lhig da shiaght deiney jeh e vec ve er ny livrey hooin, as crogh mayd ad seose son lhiasaghey fenish y Chiarn, ayns Gibeah jeh Saul, ren y Chiarn y reih. As dooyrt y ree, Ver-ym diu ad.

Raaghyn Creeney 30:17

Yn sooill ta craidey mysh e ayr, as ta gobbal biallys da e voir, nee fiee ny glionney spolgey ass eh; as nee ny urlee aegey gee eh.

Ezekiel 39:4

Nee oo tuittym er sleityn Israel, oo hene as ooilley dty heshaghtyn-caggee, as yn pobble ta mayrt: ver-ym oo son beaghey da dy chooilley cheint dy eeanlee jollyssagh, as son bee da maase y vagheragh.

Jannoo 20:27

Son cha vel mee er haghney dy hoilshaghey diu slane coyrle Yee.

Galatianee 3:13

Ta Creest er livrey shin veih mollaght y leigh, eh-hene jeant ny vollaght er nyn son: son te scruit, Cursit ta dagh unnane ta croghey er billey:

Joshua 10:26

As lurg shen ren Joshua ad y woalley, as y varroo, as chrogh eh ad er queig biljyn: as v’ad croghey er ny biljyn derrey’n astyr.

Joshua 8:29

As ree Ai ren ad y chroghey er billey derrey’n astyr: as ec lhie ny greiney, doardee Joshua yn corp dy ve goit neose jeh’n villey, as dy hilgey eh rish giat yn ard-valley, as dy hroggal harrish cayrn mooar cloaie, ta er-mayrn gys y laa jiu.

1 Samuel 17:44

As dooyrt y Philistine rish David, Tar hym’s, as ver-yms dt’eill da eeanlee’n aer, as da maase y vagher.

1 Samuel 17:46

Yn laa jiu nee’n Chiarn uss y livrey gys my laue; as neem’s oo y woalley, as goym dty chione jeed; as ver-ym kirp armee ny Philistinee yn laa jiu da eeanlee’n aer, as da beishtyn feïe y vagheragh; dy vod fys v’ec ooilley’n seihll dy vel Jee ayns Israel.