Genesis 40:14 - Yn Vible Casherick 1775 1819

¹⁴ Agh cooinee orrym’s, tra hig eh dy mie lhiat, as soilshee kenjallys, ta mee guee ort, dooys; as jean imraa jee’m rish Pharaoh, as livrey mee ass y thie shoh.

Genesis 40:14 ပူးပေါင်းရင်းမြစ်များ

Genesis 40:13

Foast cheu-sthie jeh three laa, nee Pharaoh troggal seose dty chione, as goaill oo stiagh reesht gys dty oik; as ver oo cappan Pharaoh ayns e laue, myr bollagh oo, tra v’ou yn butler echey.

Genesis 41:9

Eisht loayr yn ard-vutler rish Pharaoh, gra, Jiu ta mee tayrn m’oiljyn gys cooinaghtyn.

2 Samuel 9:1

As dooyrt David, Vel foast veg er-mayrn jeh thie Saul, dy voddym kenjallys y yeeaghyn da er graih Yonathan?

1 Reeaghyn 2:7

Agh jeeagh kenjallys da mec Barzillai yn Gileadite, as lhig daue ve jeusyn ta gee ec dty voayrd: son shen myr haink ad hym tra hie mee er-chea kyndagh rish Absalom dty vraar.

Noo Luke 23:42

As dooyrt eh rish Yeesey, Hiarn, cooinee orrym’s tra hig oo gys dty reeriaght.

1 Corinthianee 7:21

Vel oo er dty eam tra t’ou dty harvaant? ny bee fo imnea er y hon: agh my oddys oo ve er dty eaysley, gow eh myr reih.

Joshua 2:12

Nish er-y-fa shen, ta mee guee erriu, loo-jee dou liorish y Chiarn, fakin dy vel mish er yeeaghyn kenjallys diuish, dy jean shiuish myrgeddin kenjallys y yeeaghyn da thie my ayrey; as cur-jee cowrey shickyr dou:

1 Samuel 25:31

Nagh bee shoh son trimshey dhyt, ny laad er cree my hiarn, edyr dy vel oo er gheayrtey fuill gyn-loght, ny dy vel my hiarn er n’ghoaill cooilleeney ec e laue hene: agh lurg da’n Chiarn v’er ghellal dy mie rish my hiarn, eisht cooinee er dty harvaant.