Genesis 4:7 - Yn Vible Casherick 1775 1819

⁷ My t’ou jannoo dy mie, nagh bee soiagh jeant jeed? as mannagh vel oo jannoo dy mie, ta peccah lhie ec dty ghorrys: bee eshyn fo dty viallys, as nee oo reill harrish.

Genesis 4:7 ပူးပေါင်းရင်းမြစ်များ

Genesis 19:21

As dooyrt eh rish, Cur-my-ner, ta mee er n’yannoo soiagh jeed mychione yn accan shoh myrgeddin, nagh jean-ym yn ard-valley shoh y stroie, ayns e lieh t’ou er loayrt.

Genesis 3:16

Dooyrt eh rish y ven, Neem’s dy mooar bishaghey dty hrimshey, as dty yiennaghtyn; ayns trimshey ver oo cloan son y theihll, as bee dty yeearree gys dty heshey, as nee eh reill harryd.

2 Samuel 24:23

Ooilley ny reddyn shoh, O ree, ta Araunah chebbal da’n ree: as dooyrt Araunah rish y ree, Dy jean y Chiarn dty Yee soiagh jeed.

2 Reeaghyn 8:28

As hie eh marish Joram mac Ahab dy chaggey noi Hazael ree Syria ayns Ramoth-gilead; as ren my Syrianee lhottey Joram.

Lioar Yob 11:14

My ta mee-chairys ayns dty laue, scugh foddey voïd eh, as ny lhig da olkys tannaghtyn ayns dty chabbaneyn.

Lioar Yob 11:15

Son eisht nee oo dty eddin y hroggal seose gyn cron; bee oo ayns sauchys, as cha bee aggle ort:

Lioar Yob 29:4

Myr va mee ayns laghyn my aegid, tra va ard-chiarail Yee harrish my chabbane;

Lioar Yob 42:8

Shen-y-fa gow-jee nish hiuish shiaght dew as shiaght reaghyn, as immee-jee gys my harvaant Job, as cheb-jee seose er nyn son hene oural-losht; as nee my harvaant Job padjer y ghoaill er nyn son, son eshyn neem’s soiaghey jeh; er-aggle dy dellym riu rere nyn ommijys, ayns wheesh as nagh vel shiu er loayrt my-mychione’s shen ny ta cairagh, myr ta my harvaant Job.

Raaghyn Creeney 18:5

Dy yannoo soiaghey jeh persoon ny mee-chrauee, cha vel shen mie, ny dy chastey yn dooinney cairal ayns briwnys.

Raaghyn Creeney 21:27

Ta oural ny mee-chrauee dwoaiagh: cre-woad smoo, tra t’eh dy hebbal eh lesh cree crauee-oalsey?

Jeremiah 3:12

Gow royd, as jean ny goan shoh y ockley magh gys y twoaie, as abbyr, Chyndaa uss reesht, Israel chooyl-skyrraghtyn, ta’n Chiarn dy ghra, as cha lhig-ym da my chorree dy huittym ort; son ta mish myghinagh, ta’n Chiarn dy ghra, as cha jean-ym jymmoose y reayll son dy bragh.

Jeremiah 6:20

Gys cre’n ymmyd ta incense cheet hym’s veih Sheba, as y cane millish veih cheer foddey jeh? cha vel taitnys aym ayns nyn jebballyn-losht, chamoo ta nyn ourallyn gys my aigney,

Micah 7:18

Quoi ta ny Yee casley rhyt’s, ta leih mee-chairys, as maih’ghey yn shaghrynys ocsyn ta er-mayrn ayns e eiraght? cha vel eh freayll e chorree son dy bragh, er-yn-oyr dy vel eh goaill taitnys ayns myghin.

Malachi 1:10

Quoi ny-vud eu, yinnagh eer jeigh ny dorryssyn nastee? chamoo ta shiu foaddey aile er my altar nastee. Cha vel taitnys erbee aym ayndiu, ta Chiarn ny flaunyssee dy ghra, chamoo nee’m soiaghey jeh oural veih nyn laue.

Malachi 1:13

Dooyrt shiu myrgeddin, Cur-my-ner, cre’n deinys te! as ta shiu dy storneishagh er hoiaghey beg jeh, ta Chiarn ny flaunyssee dy ghra; as hug shiu lhieu shen ny va raipit, as croobagh, as doghanit, shen va’n oural heb shiu: jinnin’s soiaghey jeh’n lheid ec nyn laue? ta’n Chiarn dy ghra.

Malachi 1:8

As my ta shiu chebbal yn doal son oural, nagh vel shen olk? as my ta shiu chebbal red doghanit, nagh vel peccah lhie rish? cheb nish gys dty chiannoort eh, bee eshyn booiagh jeed, ny soiaghey jeh dty phersoon? ta Chiarn Jee ny flaunyssee dy ghra.

Earrooyn 32:23

Agh mannagh jean shiu shoh, cur-my-ner, nee shiu peccah noi’n Chiarn: as bee shiu shickyr dy jean nyn beccah berraghtyn erriu.

Jannoo 10:35

Agh ayns dy chooilley ashoon, eshyn ta goaill aggle roish, as gobbraghey cairys, ta soiaghey jeant jehsyn liorish.

Romanee 12:1

Ta mee guee erriu er-y-fa shen, vraaraghyn, liorish myghinyn Yee, dy jean shiu chebbal nyn gallinyn myr oural bio, casherick, booisal gys Jee, ta’n chirveish resoonagh eu.

Romanee 14:18

Son t’eshyn ta shirveish Creest ayns ny reddyn shoh, ayns foayr rish Jee, as jeh goo mie mastey deiney.

Romanee 15:16

Dy beign’s shirveishagh Yeesey Creest gys ny Ashoonee, shirveish sushtal Yee, dy voddagh soiagh ve jeant jeh ny Ashoonee chebbit seose son oural, er ny chasherickey liorish y Spyrryd Noo.

Romanee 6:12

Ny lhig da peccah er-y-fa shen reill ayns nyn girp marvaanagh, dy jinnagh shiu eh y hirveish ayns ny yeearreeyn eck.

Romanee 6:16

Nagh vel fys eu, da quoi-erbee ta shiu kiangley shiu hene sharvaantyn dy chur biallys, ny sharvaantyn echeysyn ta shiu da ta shiu coyrt biallys; edyr jeh peccah gys baase, ny jeh biallys gys cairys?

Ephesianee 1:6

Gys moylley gloyr e ghrayse, liorish t’eh er n’yannoo soiagh j’in ayns e er-graihagh:

1 Timothy 5:4

Agh my ta ec ben-treoghe erbee cloan ny oeghyn, lhig daue hoshiaght gynsaghey dy hoilshaghey kenjallys dooie ec y thie, as dy yannoo lhiasagh da nyn ayraghyn as moiraghyn: son ta shen mie, as soiagh er ny yannoo jeh fenish Yee.

Hebrewnee 11:4

Liorish credjue ren Abel chebbal gys Jee oural s’ooasle na Cain, liorish hooar eh feanish, dy row eh cairagh, Jee soiaghey jeh e ghiootyn: as liorish shoh ga dy vel eh marroo, t’eh foast loayrt.

Jamys 1:15

Eisht tra ta saynt er ghientyn, t’eh gymmyrkey magh peccah: as ta peccah, tra te cooilleenit, gymmyrkey magh baase.

1 Peddyr 2:5

Ta shiuish myrgeddin myr claghyn bioal, er nyn droggal seose ny hie spyrrydoil, ny haggyrtys casherick dy hebbal seose ourallyn spyrrydoil, booisal gys Jee liorish Yeesey Creest.