Genesis 4:26 - Yn Vible Casherick 1775 1819

²⁶ As da Seth myrgeddin va mac er ny ruggey; as denmys eh eh Enos: eisht ghow deiney toshiaght dy enmys ad hene lurg ennym y Chiarn.

Genesis 4:26 ပူးပေါင်းရင်းမြစ်များ

Genesis 12:8

As scugh eh veih shen gys slieau shiar jeh Beth-el, as hoie eh e chabbane, lesh Beth-el er y sheear, as Hai er y shiar, as ayns shen hrog eh altar gys y Chiarn, as ren eh geamagh er ennym y Chiarn.

Genesis 26:25

As hrog eh altar ayns shen, as deïe eh er ennym y Chiarn, as hoie eh e chabbane ayns shen; as shen y raad ren sharvaantyn Isaac chibbyr y chleiy.

1 Reeaghyn 18:24

As eïe-jee shiuish er ennym ny jeeghyn euish; as eïe-yms er ennym y Chiarn: as y Jee nee gansoor liorish aile, lhig dasyn ve yn Jee. As dreggyr ooilley’n pobble, as dooyrt ad, Ta shen loayrit dy mie.

Isaiah 44:5

Jir fer, Lesh y Chiarn mish; as gowee fer elley ennym Yacob er hene; as ver fer elley fo e laue gys y Chiarn, as sliennooys eh-hene er cowrey Israel.

Isaiah 48:1

Clasht-jee nish rish shoh, O hie Yacob, ta ennym Israel cowrit erriu, as t’er jeet magh ass moir-ushtaghyn Yudah; ta breearrey liorish ennym y Chiarn, as gimraa mychione Jee Israel, agh cha nee ayns firrinys ny ayns ynrickys.

Isaiah 63:19

Lhiat’s ta shin: cha row adsyn rieau fo dty reill; cha row yn ennym ayd’s cowrit orroosyn.

Jeremiah 33:16

Ayns ny laghyn shen vees Judah er ny hauail, as nee Jerusalem cummal ayns shee: as shoh yn cowrey vees enmyssit er, YN CHIARN YN YNRICKYS AINYN.

Joel 2:32

As hig eh gy-kione, quoi-erbee eïe-ys er ennym y Chiarn, dy bee eh er ny hauail: son ayns cronk Zion, as ayns Jerusalem vees saualtys, myr ta’n Chiarn er ghra, as cour y fooilliagh nee yn Chiarn y reih.

Zephaniah 3:9

Son eisht ver-yms da’n pobble glare ghlen, dy vod ad ooilley geamagh er ennym y Chiarn, dy hirveish eh lesh un aigney.

Noo Luke 3:38

Mac Enos, mac Seth, mac Adam, mac Yee.

Jannoo 11:26

As haink eh gy-kione, dy duirree ad choud as bleïn ayns shen ayns sheshaght ny hagglish, as dy dynsee ad ymmodee dy leih; as va ny credjuee enmyssit Creesteenyn hoshiaght ayns Antioch.

Jannoo 2:21

As hig eh gy-kione, quoi-erbee eïe-ys er ennym y Chiarn, dy bee eh er ny hauail.

Romanee 10:13

Son quoi-erbee nee geamagh er Ennym y Chiarn, bee eh er ny hauail.

1 Corinthianee 1:2

Gys agglish Yee ta ec Corinth, hucsyn t’er nyn gasherickey ayns Creest Yeesey, er nyn eam dy ve nyn nooghyn mâroosyn ooilley ta ayns dy chooilley ynnyd geamagh er ennym Yeesey Creest, chammah yn Chiarn ocsyn as ainyn.