Genesis 4:15 - Yn Vible Casherick 1775 1819

¹⁵ As dooyrt y Chiarn rish; Quoi-erbee, er-y-fa shen, varrys Cain, bee kerraghey shiaght filley er ny ghoaill er. As hug y Chiarn cowrey er Cain, nagh jinnagh unnane erbee harragh ny raad, eh y stroie.

Genesis 4:15 ပူးပေါင်းရင်းမြစ်များ

Genesis 4:24

My vees kerraghey shiaght filley er ny ghoaill ersyn varrys Cain, dy firrinagh bee kerraghey shiaght-jeig as three-feed er ny ghoaill son Lamech.

1 Reeaghyn 16:7

As myrgeddin, liorish yn phadeyr Jehu mac Hanani, haink goo’n Chiarn noi Baasha, as noi e hie, eer son ooilley’n olk ren eh ayns shilley’n Chiarn, ayns brasnaghey eh gys corree liorish obbyr e laueyn, as dy row eh casley rish thie Yeroboam, as er-yn-oyr dy varr eh eh.

Psalmyn 59:11

Ny marr ad, er-aggle dy jarrood my phobble eh: agh skeayl ad dy lhean mastey’n pobble, as cur sheese ad, O Hiarn, nyn vendeilagh.

Psalmyn 79:12

O lhig da osnaghyn trimshagh ny pryssoonee cheet kiongoyrt rhyt: cordail rish mooadys dty phooar, jean uss adsyn y choadey t’er nyn oardaghey gys baase;

Raaghyn Creeney 6:31

Agh my ta briaght cheet er, nee eh lhiasaghey shiaght filley: ver eh ooilley cooid e hie.

Ezekiel 9:4

As dooyrt y Chiarn rishyn, Immee trooid mean yn ard-valley, trooid mean Yerusalem, as soie cowrey er glaare eddin ny deiney shen, ta gosnaghey, as gaccan son ooilley ny obbraghyn dwoaiagh t’er ny yannoo cheu-sthie j’ee.

Ezekiel 9:6

Stroie-jee dy bollagh shenn as aeg, chammah moidynyn as cloan veggey, as mraane: agh ny tar-jee coair dooinney erbee ta cowrit; as gow-jee toshiaght ec my ynnyd casherick: eisht, ghow ad toshiaght rish y chenndeeaght va kiongoyrt rish y thie.

Hosea 1:4

As dooyrt y Chiarn rish, Enmys eh Jezreel; son foast ayns traa gerrit kerree-yms fuill Yezreel er thie Yehu, as ver-ym jerrey er reeriaght thie Israel.

Leviticus 26:18

As mannagh jean shiu foast, son ooilley shoh, geaishtagh rhym, eisht nee’m kerraghey shiu shiaght keayrtyn smoo son nyn beccaghyn.

Leviticus 26:21

As my hed shiu m’oï, as nagh n’eaisht shiu rhym; neem’s shiu y cherraghey shiaght filley, cordail rish nyn beccaghyn.

Leviticus 26:24

Eisht beem’s myrgeddin noi euish, as kerraghey shiu foast shiaght keayrtyn son nyn beccaghyn.

Leviticus 26:28

Eisht beem’s nyn ’oï eu eer ayns dewlys: as mish, mee hene, nee shiuish y smaghtaghey shiaght keayrtyn smoo son nyn beccaghyn.

Noo Mian 26:52

Eisht dooyrt Yeesey rish, Cur seose dty chliwe reesht ’sy fine: son nee adsyn ooilley ta goaill y cliwe, cherraghtyn liorish y chliwe.

Ashlish 14:11

As ta jaagh yn torchagh oc goll seose son dy bragh as dy bragh: as cha vel fea oc oie ny laa, ta ooashlaghey yn veisht, as e yalloo, ny ocsyn ta goaill orroo cowrey e ennym.

Ashlish 14:9

As hie yn trass ainle geiyrt orroosyn, gra lesh ard-choraa, My ver dooinney erbee ooashley da’n veisht, as da’n jalloo echey, as dy gow eh yn cowrey echey er glaare e eddin, ny er e laue,