Genesis 4:14 - Yn Vible Casherick 1775 1819

¹⁴ Cur-my-ner, t’ou er my imman jiu veih eaghtyr y cheer shoh: as veih dty enish bee’m er my eiyrt, as bee’m er my yiooldey magh, as my wagaantagh er yn ooir: as hig eh gy-kione, dagh unnane nee m’y gheddyn magh, dy stroie eh mee.

Genesis 4:14 ပူးပေါင်းရင်းမြစ်များ

Genesis 3:24

Myr shen deiyr eh magh yn dooinney: as hoie eh kione-har garey Eden Cherubim, as cliwe ailagh va chyndaa er dy chooilley heu, dy lhiettal y raad gys billey yn vea.

Genesis 4:13

As dooyrt Cain rish y Chiarn, Ta my cherraghey ny s’trimmey na oddym gymmyrkey.

2 Samuel 14:7

As cur-my-ner, ta’n slane kynney er n’irree noi dty harvaant, as dooyrt ad, Livrey seose eshyn woaill e vraar, dy vod mayd y vioys echeysyn ’ghoaill, son bioys e vraarey hug eh gy-baase; as ver mayd yn eirey gy-kione myrgeddin: as myr shoh moghee ad my smarage t’er-mayrn, as cha vaag ad da my heshey edyr ennym ny sluight er y thalloo.

Psalmyn 109:10

Nee’n dooinney tranlaasagh ooilley ny t’echey y chur mow: as nee’n joarree e laboraght y spooilley.

Psalmyn 109:12

Bee’n sluight echey er ny chur naardey: as ayns yn nah heeloghe bee’n ennym echey dy bollagh er ny yarrood.

Psalmyn 143:7

Eaisht rhym, O Hiarn, as shen dy leah, son ta my spyrryd gannooinaghey: ny follee voym dt’eddin, nagh bee’m casley roosyn ta goll sheese ayns yn oaie.

Raaghyn Creeney 14:32

Ta’n mee-chrauee eiyrit ersooyl ayns e olkys: agh ec yn er-crauee ta treishteil eer ayns e vaase.

Raaghyn Creeney 28:1

Ta ny kyndee chea, tra nagh vel fer erbee er nyn eiyrt’s: agh ta’n ynrick creeoil myr lion.

Isaiah 8:22

As nee ad jeeaghyn er y thalloo; as cur-my-ner seaghyn as dorraghys, dooid dy angaish; as bee ad er nyn imman gys dorraghys.

Jeremiah 52:3

Son trooid jymmoose y Chiarn haink eh gy-kione ayns Jerusalem as Judah, derrey v’eh er n’eiyrt ad magh veih e eanish, dy ren Zedekiah girree-magh noi ree Vabylon.

Hosea 13:3

Shen-y-fa bee ad myr bodjal y vadran, as myr y druight moghey, ta lheïe ersooyl, myr y coau ta eebrit lesh y gheay-chassee jeh’n laare-vooie, as myr y jaagh ass y chymlee.

Leviticus 26:17

As nee’m soiaghey m’eddin nyn ’oï, as bee shiu er nyn stroie roish nyn noidyn: as nee ad reill harrishdiu, as nee shiu roie er-chea, tra nagh bee fer erbee er nyn eiyrt’s.

Leviticus 26:36

As orroosyn vees faagit bio jiuish, ver-yms annooinid cree ayns cheer nyn noidyn; as nee feiyr duillag criht ad y agglaghey; as nee ad chea, myr veih’n chliwe: as nee ad tuittym, tra nagh bee fer er nyn eiyrt’s.

Earrooyn 35:19

Nee’n cooilleeneyder-folley hene cur y dunver dy baase: tra hig eh ny raad, ver eh dy baase eh.

Earrooyn 35:21

Ny ayns noidys bwoalley eh lesh e laue, dy vow eh baase: bee eshyn woaill eh dy shickyr er ny choyrt dy baase; son she dunver eh: ver y cooilleeneyder-folley yn dunver dy baase, tra t’eh meeiteil rish.

Earrooyn 35:27

As dy vow’n cooilleeneyder-folley eh, cheu-mooie jeh cagliaghyn yn ard-valley dy hauchys, as dy jean yn cooilleeneyder-folley cur dy baase yn marrooder; cha bee eh kyndagh jeh fuill:

Noo Mian 25:41

Eisht jir eh roosyn myrgeddin er y laue chiare, Immee-jee voym, chloan chustey gys yn aile dy bragh farraghtyn, kiarit son y drogh-spyrryd as e ainleyn.

Noo Mian 25:46

As hed ad shoh ersooyl gys y kerraghey dy bragh farraghtyn: agh y chloan chairagh gys y vea veayn.

Deuteronomy 28:64

As nee’n Chiarn oo y skeayley mastey dy chooilley ashoon, veih’n derrey chione jeh’n theihll gys y chione elley; as ayns shen nee oo jeeghyn elley ’hirveish, nagh vel enney er ve ayd’s, ny ec dty ayraghyn orroo, eer fuygh as clagh.

Deuteronomy 28:65

As mastey ny ashoonyn shoh, cha vow veg yn aash, chamoo vees aash ec boyn dty choshey: agh ver y Chiarn dhyt ayns shen cree er-creau, as sooillyn moaldey, as sou-aigney.

2 Thessalonianee 1:9

Vees er nyn gerraghey lesh toyrt-mow dy bragh farraghtyn veih fenish y Chiarn, as veih gloyr e phooar.