Genesis 4:12 - Yn Vible Casherick 1775 1819

¹² Tra t’ou laboragh y thalloo, cha jean ee, maghey shoh, gymmyrkey dhyt’s e niart; dty yoarree, as dty wagaantagh vees oo er yn ooir.

Genesis 4:12 ပူးပေါင်းရင်းမြစ်များ

Genesis 4:13

As dooyrt Cain rish y Chiarn, Ta my cherraghey ny s’trimmey na oddym gymmyrkey.

Genesis 4:14

Cur-my-ner, t’ou er my imman jiu veih eaghtyr y cheer shoh: as veih dty enish bee’m er my eiyrt, as bee’m er my yiooldey magh, as my wagaantagh er yn ooir: as hig eh gy-kione, dagh unnane nee m’y gheddyn magh, dy stroie eh mee.

Psalmyn 107:34

Cheer messoil t’eh dy yannoo faase: er coontey’n drogh-yannoo ocsyn ta baghey ayn.

Psalmyn 109:10

Nee’n dooinney tranlaasagh ooilley ny t’echey y chur mow: as nee’n joarree e laboraght y spooilley.

Raaghyn Creeney 28:17

Eshyn t’er n’yannoo dewlys er fuill dooinney erbee, bee eh eiyrit dy baase; ny lhig da dooinney erbee lhiettal eh.

Hosea 9:17

Nee my Yee’s ad y yiooldey veih, er-yn-oyr nagh ren ad geaishtagh rish: as bee ad wagaantee mastey ny ashoonee.

Joel 1:10

Ta’n magher ny hraartys, ta’n thalloo dobberan, son ta’n arroo mow: ta’n feeyn noa chyrmit seose, ta’n ooil cherraghtyn.

Leviticus 26:17

As nee’m soiaghey m’eddin nyn ’oï, as bee shiu er nyn stroie roish nyn noidyn: as nee ad reill harrishdiu, as nee shiu roie er-chea, tra nagh bee fer erbee er nyn eiyrt’s.

Leviticus 26:20

As bee’n niart eu baarit ayns fardail son cha jean y thalloo eu cur magh e bishagh, ny biljyn y thallooin nyn mess.

Leviticus 26:36

As orroosyn vees faagit bio jiuish, ver-yms annooinid cree ayns cheer nyn noidyn; as nee feiyr duillag criht ad y agglaghey; as nee ad chea, myr veih’n chliwe: as nee ad tuittym, tra nagh bee fer er nyn eiyrt’s.

Romanee 8:20

Son va’n cretoor er ny injillaghey gys fardail, cha nee jeh e yoïn, agh kyndagh rishyn ren eh y injillaghey.

Deuteronomy 28:15

Agh hig eh gy-kione, mannagh n’eaisht oo rish coraa’n Chiarn dty Yee, dy reayll dy tastagh ooilley e oardaghyn, as e lattyssyn ta mish dy harey dhyt jiu; dy jig ooilley ny mollaghtyn shoh ort, as berree ad ort.