Genesis 4:11 - Yn Vible Casherick 1775 1819

¹¹ As nish t’ou fo mollaght er y thalloo, t’er vosley e beeal dy ghoaill fuill dty vraarey veih dty laue.

Genesis 4:11 ပူးပေါင်းရင်းမြစ်များ

Genesis 3:14

As dooyrt y Chiarn Jee rish yn ard-nieu, Er-yn-oyr dy vel oo er n’yannoo shoh, t’ou cursit erskyn dy chooilley chretoor; as erskyn ooilley maase y vagheragh; er dty volg nee oo snaue, as joan nee oo gee ooilley laghyn dty vea.

Genesis 4:14

Cur-my-ner, t’ou er my imman jiu veih eaghtyr y cheer shoh: as veih dty enish bee’m er my eiyrt, as bee’m er my yiooldey magh, as my wagaantagh er yn ooir: as hig eh gy-kione, dagh unnane nee m’y gheddyn magh, dy stroie eh mee.

Genesis 5:29

As ren eh genmys eh Noah, gra, Nee eh shoh shin y gherjaghey ayns nyn obbyr as tooilleil nyn laueyn, kyndagh rish y thalloo ta’n Chiarn er gheyrey:

Lioar Yob 16:18

O halloo, ny jean uss my uill y cheiltyn, as ny lhig da my eam ve er ny lhiettal.

Isaiah 26:21

Son cur-my-ner, ta’n Chiarn cheet magh ass e ynnyd dy cherraghey cummaltee yn theihll son nyn mee-chairys: nee’n ooir myrgeddin yn uill eck y vrah, as cha jean ee ny-sodjey ny merriu eck y cheiltyn.

Galatianee 3:10

Son whilleen as ta jeh obbraghyn y leigh, t’ad fo’n mollaght: son te scruit, Cursit ta dagh unnane nagh vel tannaghtyn ayns dy chooilley nhee ta scruit ayns lioar y leigh dy yannoo ad.

Ashlish 12:16

As chooin y thalloo lesh y ven, as doshil y thalloo e beeal, as slug ee seose thooilley hilg y dragon magh ass e veeal.