Genesis 4:10 - Yn Vible Casherick 1775 1819

¹⁰ As dooyrt eh, Cre t’ou er n’yannoo? ta coraa fuill dty vraarey geamagh hym’s veih’n ooir.

Genesis 4:10 ပူးပေါင်းရင်းမြစ်များ

Genesis 18:20

As dooyrt y Chiarn, Er-yn-oyr dy vel eam Sodom as Gomorrah atchimagh, as er-yn-oyr dy vel y peccah oc feer eajee:

Genesis 3:13

As dooyrt y Chiarn Jee rish y ven, Cre shoh t’ou er n’yannoo? As dreggyr y ven, Ren yn ard-nieu m’y volley, as ren mee gee.

Genesis 9:5

As dy shickyr, son fuill nyn mioys shir-yms cooilleeney: jeh dy chooilley vaagh hir-yms eh; as veih laue dooinney, veih laue braar dagh dooinney; neem’s bioys dooinney y hirrey.

2 Reeaghyn 9:26

Son shickyrys honnick mee jea fuill Naboth, as fuill e vec, ta’n Chiarn dy ghra; as goym cooilleeney ort ayns y vagher shoh, va raa’n Chiarn. Nish er-y-fa shen, gow as ceau eh ayns y vagher cheddin, cordail rish raa’n Chiarn.

2 Recortyssyn 28:9

Agh va phadeyr y Chiarn ayns shen, va e ennym Oded: as hie eh magh quail y cheshaght-chaggee haink gys Samaria, as dooyrt eh roo, Cur-my-ner, er-yn-oyr dy row’n Chiarn Jee nyn ayraghyn corree rish Judah, t’eh er livrey ad gys nyn laue, as ta shiu er varroo ad ayns jymmoose, ta geamagh gys niau son cooilleeney.

Lioar Yob 16:18

O halloo, ny jean uss my uill y cheiltyn, as ny lhig da my eam ve er ny lhiettal.

Lioar Yob 24:12

Ta deiney gaccan veih’n ard-valley, as ta’n annym ocsyn ta guint geamagh dy ard; ny-yeih cha vel Jee cur ommijys nyn lieh.

Psalmyn 50:21

Ny reddyn shoh t’ou er n’yannoo, as chum mish my hengey; as heill oo dy olkyssagh dy row mish eer dty lheid hene: agh ver-yms oghsan dhyt, as soie-ym kiongoyrt rhyt ny reddyn t’ou er n’yannoo.

Psalmyn 72:14

Nee eh ny anmeenyn oc y livrey veih foalsaght as aggair: as deyr vees yn uill oc ayns e hilley.

Psalmyn 9:12

Son tra t’eh jannoo briaght son deayrtey fuill dyn loght, t’eh cooinaghtyn orroo: as cha vel eh jarrood accan ny ymmyrchee.

Psalmyn 9:13

Jean myghin orrym, O Hiarn; smooinee er y seaghyn ta mee er hurranse lioroosyn ta dwoaie oc orrym: uss ta dy my hroggal seose veih giattyn y vaaish;

Exodus 3:7

As dooyrt y Chiarn, Dy firrinagh ta mee er vakin seaghyn my phobble t’ayns Egypt, as ta mee er chlashtyn nyn eam, kyndagh rish nyn oaseiryn tranlaasagh; son shione dou nyn drimshey.

Isaiah 5:7

Son ta lught-thie Israel garey-feeyney Chiarn ny flaunyssee, as ta deiney Yudah yn billey eunyssagh echey: as yeeagh eh son briwnys, agh cur-my-ner tranlaase; son cairys, agh cur-my-ner eam.

Earrooyn 35:33

Myr shoh cha dayrn shiu mollaght er y cheer ta shiu cummal ayn: son ta fuill jannoo yn cheer an-chasherick: as cha vod yn cheer v’er ny ghlenney, veih’n uill ta er ny gheayrtey ayn, agh liorish yn uill echeysyn ren y gheayrtey eh.

Jannoo 5:3

Agh dooyrt Peddyr; Ananias, cre’n-fa ta Satan er lhieeney dty chree dy yannoo breg gys y Spyrryd Noo, liorish keiltyn ayrn jeh price y thallooin?

Jannoo 5:9

Eisht dooyrt Peddyr r’ee, Kys te dy dug shiu nyn goyrle dy cheilley er-chee dy yannoo molteyrys er Spyrryd y Chiarn? cur-my-ner ta ny cassyn ocsyn t’er n’oanluckey dty heshey ec y dorrys, as troggee ad uss magh.

Deuteronomy 21:1

My vees dooinney er ny gheddyn ny lhie marroo ’sy vagher, ayns y cheer ta’n Chiarn dty Yee coyrt dhyt son dty eiraght, as nagh vel fys quoi varr eh:

Hebrewnee 11:4

Liorish credjue ren Abel chebbal gys Jee oural s’ooasle na Cain, liorish hooar eh feanish, dy row eh cairagh, Jee soiaghey jeh e ghiootyn: as liorish shoh ga dy vel eh marroo, t’eh foast loayrt.

Hebrewnee 12:24

As gys Yeesey ta eddyr Jee as dooinney fo’n chonaant noa, as gys yn uill v’er ny gheayrtey, ta loayrt reddyn share na fuill Abel.

Jamys 5:4

Cur-my-ner, ta faill ny labreeyn, ta er vuinn ny magheryn eu, ta lieriuish er ny reayll voue dy molteyragh, gaccan: as ta eam ny beayneeyn er n’gholl stiagh ayns cleayshyn y Chiarn dy Heshaght-chaggee flaunys.

Joshua 7:19

As dooyrt Joshua rish Achan, My vac, cur, ta mee guee ort, gloyr da’n Chiarn Jee Israel, as gow-rish dty loght huggeysyn; as insh dooys nish cre t’ou er n’yannoo, ny keill voym eh.

1 Samuel 13:11

As dooyrt Samuel, Cre shoh t’ou er n’yannoo? As dreggyr Saul, Er-yn-oyr dy vaik mee dy row’n pobble skeayley voym, as nagh daink oo cheu-sthie jeh’n traa pointit, as dy row ny Philistinee er nyn jaglym cooidjagh gys Michmash;