Genesis 39:9 - Yn Vible Casherick 1775 1819

⁹ Cha vel unnane ny syrjey ’sy thie shoh na mish: chamoo t’eh er reayll nhee erbee voym’s, agh uss, er-yn-oyr dy nee oo yn ven echey: kys eisht oddym’s cur rish yn aggair vooar shoh, as peccah ’yannoo noi Jee?

Genesis 39:9 ပူးပေါင်းရင်းမြစ်များ

Genesis 13:13

Agh va deiney Sodom feer vee-chrauee, as erskyn-towse peccoil, kiongoyrt rish y Chiarn.

Genesis 20:3

Agh haink Jee gys Abimelech ayns ashlish ’syn oie, as dooyrt eh rish, Cur-my-ner, cha vel oo agh dooinney marroo, kyndagh rish y ven t’ou er ghoaill: son t’ee ben dooinney elley.

Genesis 20:6

As dooyrt Jee rish ayns dreamal, Dy jarroo, ta fys aym dy ren oo shoh ayns neu-loghtynid dty chree: son ren mish myrgeddin dty lhiettal veih jannoo peccah m’oï: shen-y-fa cha lhig mee dhyt bentyn r’ee.

Genesis 20:9

Eisht hug Abimelech fys er Abraham, as dooyrt eh rish, Cre shoh t’ou er n’yannoo rooin? as cre’n oill ta mee er n’yannoo, dy vel oo er choyrt lhiat orrym’s, as er my reeriaght, peccah trome? s’olk yn obbyr t’ou er n’yannoo.

Genesis 24:2

As loayr Abraham rish ard-stiurt e hie, va reill harrish ooilley ny v’echey, Cur dty laue, ta mee guee ort, fo my lheayst.

Genesis 39:10

As haink eh gy-kione, myr loayr ee rish Joseph laa lurg laa, nagh deaisht eh r’ee, dy lhie lioree, ny dy ve mâree.

Genesis 41:40

Bee uss harrish my hie, as cordail rish dty raa, bee ooilley my phobble er nyn reill: ayns y stoyl-reeoil ny-lomarcan, beem’s ny syrjey na uss.

Genesis 42:18

As dooyrt Joseph roo yn trass laa, Shoh jean-jee, as bee nyn mioys lhieu: son ta mish goaill aggle roish Jee.

2 Samuel 11:27

As tra va laghyn y dobberan ec kione, hug David fys, as hug eh lesh ee gys e hie hene, as haink ee dy ve e ven, as rug ee mac da. Agh va’n Chiarn jymmoosagh son shen ny va David er n’yannoo.

2 Samuel 12:13

As dooyrt David rish Nathan, Ta mee er n’yannoo peccah noi’n Chiarn. As dooyrt Nathan rish David, Ta’n Chiarn myrgeddin er choyrt ersooyl dty pheccah; cha vow baase.

Nehemiah 5:15

Agh ny kiannoortyn va roym, v’ad errey trome er y pobble, as er hroggal jeu arran as feeyn, marish da-eed shekel dy argid, ren eer ny sharvaantyn oc tranlaase er y theay: agh cha ren mish myr shen, son dy row mee fo aggle Yee.

Nehemiah 6:11

As dooyrt mee, Cre, lheid y dooinney as mish dy choyrt cooyl? quoi’n dooinney ’syn oik cheddin, ragh stiagh ’sy chiamble dy hauail e vioys? Cha jem stiagh ayn.

Lioar Yob 31:23

Son ren aggle kerraghey veih Jee m’y lhiettal, as roish yn ard-ooashley echeysyn cha voddin shassoo.

Psalmyn 51:4

Dt’oï’s dty-lomarcan ta mee er n’yannoo peccah, as er chur rish yn olk shoh ayns dty hilley: dy voddagh oo v’er dty heyrey ayns dty raa, as ynrick tra t’ou briwnys.

Exodus 20:14

Cha brish oo poosey.

Raaghyn Creeney 6:29

Myr shen eshyn ta jannoo peccah rish ben e naboo: quoi-erbee vennys r’ee cha bee eh gyn-loght.

Raaghyn Creeney 6:32

Agh quoi-erbee ta brishey poosey, t’eh laccal tushtey: eshyn ta dy yannoo eh, t’eh stroie yn annym echey hene.

Ecclesiastes 7:26

As hooar mee ny shirroo na’n baase yn ven ta’n cree eck ribbaghyn as lieenteenyn, as e laueyn myr geulaghyn: quoi-erbee ta dy wooiys Jee shaghnys ee, agh bee’n drogh-yantagh goit lioree.

Jeremiah 28:16

Shen-y-fa myr shoh ta’n Chiarn dy ghra, Cur-my-ner, neem’s uss y scughey veih eaghtyr y thallooin: eer ’sy vleïn shoh hene yiow baase, son dy vel oo er n’ockley magh mee-viallys noi yn Chiarn.

Jeremiah 50:7

Quoi-erbee hooar ad, ren stroie ad: as dooyrt nyn noidyn, Cha vel shin ayns foill, son dy vel adsyn er n’yannoo peccah noi’n Chiarn, fendeilagh yn chairys; eer yn Chiarn, treishteil nyn ayraghyn.

Leviticus 20:10

As y dooinney ta foiljagh jeh brishey poosey rish ben ghooinney elley, eer eshyn ta brishey poosey rish ben e naboo, bee’n maarderagh as y streebagh dy shickyr er nyn goyrt gy-baase.

Leviticus 6:2

My ta persoon erbee jannoo peccah as loght noi’n Chiarn, as dy breagagh gobbal da e naboo shen ny va currit da, fo e churrym, ny ayns dellal, ny ayns nhee erbee t’er ny ghoaill ersooyl lesh tranlaase, ny ta er volley e naboo:

Earrooyn 32:23

Agh mannagh jean shiu shoh, cur-my-ner, nee shiu peccah noi’n Chiarn: as bee shiu shickyr dy jean nyn beccah berraghtyn erriu.

Noo Luke 12:48

Agh eshyn nagh row toiggal, as ren foiljyn va toilliu kerraghey, cha bee yn kerraghey echey cha trome. Son da quoi-erbee ta mooarane er ny choyrt, ersyn vees mooarane er ny hirrey: as da quoi-erbee ta lane currit er e churrym, veihsyn nee sleih jeeaghyn son ny smoo.

1 Corinthianee 4:2

Ny sodjey, te currym er ny yerkal rish ayns stiurtyn dy bee dooinney er ny gheddyn firrinagh.

Titus 2:10

Cha nee myngyraght, agh soilshaghey slane jeidjys firrinagh; dy vod ad soiaghey magh ynsagh Yee nyn Saualtagh ayns dy chooilley nhee.

Hebrewnee 13:4

Ta poosey onnoroil ayns ooilley, as y lhiabbee gyn-loght: agh maarderee as adsyn ta brishey-poosey nee Jee briwnys.

1 Ean 3:9

Quoi-erbee t’er ny ruggey jeh Jee, cha vel eh cur rish peccah; son ta’n rass echey tannaghtyn ayn: as cha vod eh ve fo reill peccah, er-y-fa dy vel eh er ny ruggey jeh Jee.

Ashlish 21:8

Agh adsyn ta faitagh, as mee-chredjuagh, as adsyn ta cur rish obbraghyn dwoaiagh, as dunveryn, as maarderee, as fir-obbee, as jallooderyn, as dy chooilley vreagerey, yiow nyn gronney ’sy logh ta lossey lesh aile as brimstone: shen y nah vaase.

Ashlish 22:15

Son cheu-mooie ta moddee, as fir-obbee, as maarderee, as dunveryn, as adsyn ta cur ooashley da jallooyn, as quoi-erbee shynney lesh as ta jannoo breg.