Genesis 39:6 - Yn Vible Casherick 1775 1819

⁶ As daag eh ooilley ny v’echey fo laue Yoseph; as cha row kiarail erbee er son nhee erbee dy row echey, er-lhimmey jeh’n arran v’eh dy ee: as va Joseph ny phersoon stoamey, as feer aalin.

Genesis 39:6 ပူးပေါင်းရင်းမြစ်များ

Genesis 29:17

Va sooillyn annoon ec Leah, agh va Rachel bwaagh as aalin.

Genesis 39:23

Cha yeeagh arreyder y phryssoon gys nhee erbee dy row fo e laue; er-y-fa dy row yn Chiarn mârish; as shen ny v’eh dy yannoo, hug y Chiarn er dy vishaghey.

Genesis 39:4

As hooar Joseph foayr ’sy chilley echey, as ren eh shirveish da; as ren eh ny oaseir jeh harrish e hie, as ooilley ny v’echey hug eh fo e laue.

Genesis 39:8

Agh dob eshyn, as dooyrt eh rish e ven-ainshtyr, Cur-my-ner, cha vel fys ec my vainshtyr er ny ta mârym ayns y thie, as t’eh er livrey ooilley ny t’echey fo my laue.

Genesis 43:32

As hoie ad er y hon-syn er-lheh, as er ny son ocsyn er-lheh, as son ny Egyptianee, ren gee mârish, orroo hene; er-yn-oyr nagh row ny Egyptianee dy ghoaill beaghey marish ny Hebrewnee; son ta shen red dwoaiagh da ny Egyptianee.

Raaghyn Creeney 31:11

Ta cree e sheshey dy sauchey treishteil aynjee, myr shen nagh bee eh ayns aggle spooilley.

Noo Luke 16:10

Eshyn ta ynrick ayns yn nhee s’fardalee, t’eh ynrick myrgeddin ayns mooarane: as eshyn ta neu-chairagh ayns y nhee s’fardalee, t’eh neu-chairagh myrgeddin ayns mooarane.

Noo Luke 19:17

As dooyrt eh rish, S’mie shen, harvaant vie: er-yn-oyr dy vel oo er ve firrinagh ayns red feer fardalagh, gow uss yn reill er jeih ard-valjyn.

Jannoo 7:20

Ayns y traa shoh rug Moses, as v’eh lhiannoo erskyn-towse aalin, as v’eh er ny voandyrys dy follit three meeghyn ayns thie e ayrey:

1 Samuel 16:12

As hug eh fys er e hon, as hug eh lesh stiagh eh. Nish v’eh ruishagh, as dy eddin aalin, as stoamey dy yeeaghyn er. As dooyrt y Chiarn, Irree, jean eh y ooilaghey, son shoh’n dooinney.

1 Samuel 17:42

As yeeagh y Philistine mygeayrt, as tra honnick eh David, hoie eh beg jeh; son cha row eh agh ny scollag, as ruishagh, as dy eddin aalin.