Genesis 39:4 - Yn Vible Casherick 1775 1819

⁴ As hooar Joseph foayr ’sy chilley echey, as ren eh shirveish da; as ren eh ny oaseir jeh harrish e hie, as ooilley ny v’echey hug eh fo e laue.

Genesis 39:4 ပူးပေါင်းရင်းမြစ်များ

Genesis 15:2

As dooyrt Abram, Hiarn Yee, cre ver oo dou, fakin dy vel mee gyn sluight, as stiurt my hie ta Eliezer shoh jeh Damascus.

Genesis 18:3

As dooyrt eh, My Hiarn, my ta mee nish er gheddyn foayr ayns dty hilley, ny gow shaghey, ta mee guee ort, veih dty harvaant.

Genesis 19:19

Cur-my-ner nish, ta dty harvaant er gheddyn foayr ayns dty hilley; as t’ou er ghloyraghey dty vyghin t’ou er hoilshaghey dooys ayns sauail my vioys; as cha voddym chea gys y clieau, er-aggle dy berr olk ennagh orrym, as dy voym baase.

Genesis 24:2

As loayr Abraham rish ard-stiurt e hie, va reill harrish ooilley ny v’echey, Cur dty laue, ta mee guee ort, fo my lheayst.

Genesis 32:5

As ta dew as assylyn aym, shioltaneyn, as fir-vooinjerey, as sharvaantyn: as ta mee er chur fys dy insh da my hiarn, dy voddym foayr y gheddyn ayns dty hilley.

Genesis 33:10

As dooyrt Jacob, Guee-ym ort, my ta mee nish er gheddyn foayr ayns dty hilley, gow eisht my yioot veih my laue: son er-y-fa shen ta mee er vakin dty eddin, myr dy beign er vakin eddin Yee; as t’ou er hoiaghey jee’m.

Genesis 33:8

As dooyrt eh, Cre t’ou kiarail, liorish ooilley yn imman shoh, haink my whail? As dooyrt eh, T’ad shoh dy voddym foayr y gheddyn ayns shilley my hiarn.

Genesis 39:8

Agh dob eshyn, as dooyrt eh rish e ven-ainshtyr, Cur-my-ner, cha vel fys ec my vainshtyr er ny ta mârym ayns y thie, as t’eh er livrey ooilley ny t’echey fo my laue.

1 Reeaghyn 16:9

As ren e harvaant Zimri, (captan er lieh jeh ny fainee echey,) girree-magh n’oï myr v’eh ayns Tirzah, giu eh-hene er-meshtey ayns thie Arza, stiurt e hie ayns Tirzah.

Esther 2:9

As by-laik lesh y ven aeg, as yeeagh eh foayr jee, as hug eh jee chelleeragh spiceyn-oonlee ry-hoi glenney, marish lheid ny reddyn as va cooie er e son, as shiaght mraane aegey va dy hirveish urree, ass thie yn ree, as phoint eh jeeish as da ny mraane eck, yn reih ynnyd va ayns thie ny mraane.

Raaghyn Creeney 14:35

Ta’n ree goaill taitnys ayns shirveishagh creeney: agh ta e chorree n’oï-syn, t’eh goaill nearey jeh.

Raaghyn Creeney 16:7

Tra ta kenjallys y Chiarn er raaidyn dooinney, t’eh coyrt er eer e noidyn ’ve ec shee rish.

Raaghyn Creeney 17:2

Nee sharvaant creeney reill harrish mac, ta oyr nearey: as yiow eh ayrn jeh’n eiraght mastey ny braaraghyn.

Raaghyn Creeney 22:29

Vel oo fakin dooinney jeidjagh ayns e obbyr? nee eh shassoo fenish reeaghyn, cha jean eh shirveish deiney donney.

Raaghyn Creeney 27:18

Eshyn ta jeidjagh mysh e villey-figgagh, yiow eh soogh e vessyn: myr shen eshyn ta ayns ammys e vainshtyr, ta leagh mie ny chour.

Raaghyn Creeney 3:4

Myr shen yiow foayr, as aigney-mie ayns shilley Jee as dooinney.

Jannoo 20:28

Cur-jee twoaie er-y-fa shen diu hene, as da ooilley yn chioltane harrystoo ta’n Spyrryd Noo er n’yannoo shiu nyn aspickyn, dy veaghey agglish Yee, t’eh er chionnaghey lesh e uill hene.

Ruth 2:6

As dansoor y stiurt va harrish ny beayneeyn, as dooyrt eh, She’n ven aeg t’ayn haink marish Naomi veih cheer Voab:

1 Samuel 16:22

As hug Saul fys gys Jesse, gra, Lhig da David, ta mee guee ort, shassoo kiongoyrt rhym; son t’eh er gheddyn foayr ayns my hilley.

1 Samuel 2:26

(As daase y lhiannoo Samuel, as v’eh ayns foayr chammah rish y Chiarn, as myrgeddin rish deiney.)