Genesis 39:10 - Yn Vible Casherick 1775 1819

¹⁰ As haink eh gy-kione, myr loayr ee rish Joseph laa lurg laa, nagh deaisht eh r’ee, dy lhie lioree, ny dy ve mâree.

Genesis 39:10 ပူးပေါင်းရင်းမြစ်များ

Genesis 39:11

As haink eh gy-kione mysh y traa shoh, dy jagh Joseph stiagh ’sy thie mysh e chooishyn hene, as cha row veg jeh’n vooinjer mygeayrt.

Genesis 39:8

Agh dob eshyn, as dooyrt eh rish e ven-ainshtyr, Cur-my-ner, cha vel fys ec my vainshtyr er ny ta mârym ayns y thie, as t’eh er livrey ooilley ny t’echey fo my laue.

Genesis 39:9

Cha vel unnane ny syrjey ’sy thie shoh na mish: chamoo t’eh er reayll nhee erbee voym’s, agh uss, er-yn-oyr dy nee oo yn ven echey: kys eisht oddym’s cur rish yn aggair vooar shoh, as peccah ’yannoo noi Jee?

Raaghyn Creeney 1:15

My vac, ny shooyl uss er y raad mâroo: freill dty chass veih’n chassan oc.

Raaghyn Creeney 2:16

Dy livrey oo veih’n ven yoarree, dy jarroo veih’n ven-oainjyr ta brynneraght lesh e goan.

Raaghyn Creeney 22:14

Ta beeal drogh ven ooig dowin: nee eshyn ta feohdagh da’n Chiarn tuittym ayn.

Raaghyn Creeney 23:27

Son ta streebagh myr jeeig dowin, as yn oainjyr myr ribbey chion.

Raaghyn Creeney 23:28

T’ee myrgeddin soie cooyl-chlea myr son spooilley, as bishaghey drogh-yantee mastey deiney.

Raaghyn Creeney 5:3

Son ta meillyn y ven-oainjyr shilley, myr kere-volley, as ta’n beeal eck ny shliawn na’n ooil.

Raaghyn Creeney 5:8

Freill dty raad foddey vo-ee, as ny tar coair dorrys y thie eck.

Raaghyn Creeney 7:13

Myr shen ghow ee greme er, as phaag ee eh, as lesh eddin daaney dooyrt ee rish,

Raaghyn Creeney 7:5

Dy vod ad oo y reayll veih’n oainjyr veih’n streebagh ta brynneraght lesh e goan.

Raaghyn Creeney 9:14

Son t’ee soie ec dorrys e thie, er stoyl ayns ynnydyn smoo taaghit yn ard-valley.

Raaghyn Creeney 9:16

Quoi-erbee ta mee-hushtagh, lhig da chyndaa stiagh ayns shoh: as son eshyn ta giare-cheeayllagh, t’ee gra rish;

1 Corinthianee 15:33

Ny bee-jee mollit; ta drogh heshaght cur mow ellyn mie.

1 Corinthianee 6:18

Chea-jee veih maarderys. Ta dy chooilley pheccah ta dooinney dy yannoo, cheu-mooie jeh’n chorp; agh eshyn ta cur rish maarderys, t’eh jannoo peccah noi e chorp hene.

1 Thessalonianee 5:22

Freill-jee shiu hene veih dy chooilley chaslys dy olkys.

1 Timothy 5:14

Saillym er-y-fa shen dy jean ny mraane saa poosey, cloan y ymmyrkey, yn thie y reill, gyn veg yn oyr y choyrt da’n noid dy loayrt dy scammyltagh.

2 Timothy 2:22

Chea myrgeddin veih yeearreeyn yn aegid: agh eiyr da ynrickys, credjue, graih, [as] shee, mâroosyn ta geamagh er y Chiarn ass cree glen.

1 Peddyr 2:11

Chaarjyn ghraihagh, ta mee guee erriu myr joarreeyn as troailtee dy reayll shiu hene veih sayntyn ny foalley, ta caggey noi yn annym;