Genesis 39:1 - Yn Vible Casherick 1775 1819

¹ As va Joseph er ny choyrt lesh sheese gys Egypt, as ren Potiphar, fer-oik fo Pharaoh, captan e ghard, va ny Egyptian, eh y chionnaghey veih laue ny Ishmaeliteyn, va er choyrt lhien eh sheese gys shen.

Genesis 39:1 ပူးပေါင်းရင်းမြစ်များ

Genesis 37:25

As hoie ad sheese, dy ghoaill beaghey: as hrog ad seose nyn sooillyn, as yeeagh ad, as cur-my-ner, haink sheshaght dy Ishmaeliteyn veih Gilead, lesh nyn camelyn, cur lhieu spiceyn, as balm, as myrrh, goll lesh sheese gys Egypt.

Genesis 37:28

Eisht va Midianiteyn goll shaghey, marchanyn; as hayrn ad, as hrog ad Joseph seose ass yn ooig, as chreck ad Joseph rish ny Ishmaeliteyn, son feed peesh dy argid: as hug adsyn lhieu Joseph gys Egypt.

Genesis 37:36

As chreck ny Midianiteyn eh ayns Egypt, rish Potiphar, fer-oik fo Pharaoh, as captan e ghard.

Genesis 40:3

As hug eh ad ayns pryssoon, ayns thie captan e ghard, ayns y phryssoon, yn boayl va Joseph ny phryssoonagh ayn.

Genesis 45:4

As dooyrt Joseph rish e vraaraghyn, Tar-jee ny sniessey dou, ta mee guee erriu: as haink ad er-gerrey as dooyrt eh, Mish Joseph nyn mraar chreck shiu gys Egypt.

Psalmyn 105:17

Agh hug eshyn dooinney rhymboo: dy jarroo Joseph, va er ny chreck son sharvaant ayns bondiaght;

Jannoo 7:9

Agh ny shenn-ayryn greinnit lesh troo chreck ad Joseph gys Egypt, agh va Jee mârish,