Genesis 38:7 - Yn Vible Casherick 1775 1819

⁷ As va Er, mac shinney Yudah, cur rish olk ayns shilley’n Chiarn; as stroie yn Chiarn eh.

Genesis 38:7 ပူးပေါင်းရင်းမြစ်များ

Genesis 13:13

Agh va deiney Sodom feer vee-chrauee, as erskyn-towse peccoil, kiongoyrt rish y Chiarn.

Genesis 19:13

Son stroie mayd yn ynnyd shoh; er-y-fa dy vel yn eam oc er vishaghey dy mooar kiongoyrt rish eddin y Chiarn: As ta’n Chiarn er choyrt shin dy stroie eh.

Genesis 38:6

As ghow Judah ben son Er e vac shinney, va’n ennym eck Tamar.

Genesis 46:12

As mec Yudah; Er, as Onan, as Shelah, as Pharez, as Zerah; agh hooar Er as Onan baase ayns cheer Chanaan. As mec Pharez, va Hezron as Hamul.

Genesis 6:8

Agh hooar Noah foayr ayns shilley yn Chiarn.

1 Reeaghyn 17:20

As deïe eh gys y Chiarn, as dooyrt eh, O Hiarn my Yee, vel oo dy jarroo er hayrn seaghyn er y ven-treoghe mâree ta mee goaill aaght, liorish goaill bioys e mac?

1 Recortyssyn 2:3

Mec Yudah; Er, as Onan, as Shelah: v’ad shoh nyn droor ruggit da jeh inneen Shuah yn Canaanite. As Er, mac shinney Yudah, ren olk ayns shilley’n Chiarn, as varr eh eh.

2 Recortyssyn 33:6

As hug eh er e chloan dy gholl trooid yn aile, ayns coan mac Hinnom: myrgeddin hug eh geill da traaghyn, as deiyr eh er obbeeys, as chliaghtee eh buitcheraght, as ren eh dellal rish spyrrydyn faishnee, as rish fir-obbee: dobbree eh shen ny va olk ayns shilley yn Chiarn, dy vrasnaghey eh gys corree.

Psalmyn 55:23

O tilg dty errey er y Chiarn, as nee eh dty chummal seose: as cha lhig eh da’n fer-cairagh tuittym son dy bragh.

Earrooyn 26:19

Mec Yudah va Er as Onan: as hooar Er as Onan baase ayns cheer Chanaan.

1 Samuel 2:25

My ta dooinney jannoo aggair da dooinney, nee’n briw reaghey’n chooish eddyr ad: agh my nee dooinney peccah noi’n Chiarn, quoi hig eddyr ad? Ny-yeih cha dug ad geill da coraa nyn ayr; shen-y-fa va’n Chiarn kiarit dy stroie ad.