Genesis 38:26 - Yn Vible Casherick 1775 1819

²⁶ As ghow Judah roo, as dooyrt eh, T’ee er ve ny s’cairal na mish: er-yn-oyr nagh dug mee ee da Shelah my vac: as cha row echey dy yannoo r’ee arragh.

Genesis 38:26 ပူးပေါင်းရင်းမြစ်များ

Genesis 37:33

As hug eh enney er, as dooyrt eh, Cooat my vac t’ayn: ta drogh veisht er stroie eh; ta Joseph gyn dooyt raipit dy peeshyn.

Genesis 38:14

As hug ee j’ee e garmadyn ben-treoghe, as hug ee breid er yn eddin eck, as choodee ee ee-hene, as hoie ee ayns ynnyd foshlit, ta liorish y raad gys Timnath: son honnick ee dy row Shelah er n’aase gys stayd dooinney, as cha row ee er ny choyrt da son ben.

Genesis 4:1

As bione da Adam Eve e ven, as ren ee giennaghtyn, as dymmyrk ee Cain, as dooyrt ee, Ta mee er gheddyn lhiannoo mac veih yn Chiarn.

2 Samuel 16:22

Er shoh skeayl ad cabbane da Absalom er mullagh y thie; as lhie Absalom marish co-lhiabbee e ayrey, ayns shilley ooilley Israel.

2 Samuel 20:3

As haink David gys e hie ayns Jerusalem, as ghow’n ree ny jeih mraane e cho-lhiabbee, v’eh er n’aagail dy reayll e hie, as yeigh eh seose ad ayns thie er-lheh, as doardee eh beaghey daue, agh cha row echey dy yannoo roo: myr shoh v’ad scarrit voish derrey laa nyn maaish, baghey myr mraane-treoghe.

2 Samuel 24:17

As loayr David rish y Chiarn, tra honnick eh yn ainle va stroie y pobble, as dooyrt eh, Cur-my-ner, mish t’er n’yannoo peccah, as s’mooar ta my loght: agh ny kirree shoh, cre t’adsyn er n’yannoo? Lhig da dty laue, ta mee guee ort, ve m’oï’s as noi thie m’ayrey.

Lioar Yob 4:5

Agh nish te er jeet dty raad, as t’ou lhag-chreeagh; te er duittym ort, as t’ou seaghnit.

Lioar Yob 40:5

Keayrt ta mee er loayrt, agh cha jean-ym freggyrt; dy jarroo, daa cheayrt, agh cha jem lesh ny-sodjey.

Ezekiel 16:52

Uss myrgeddin t’er vriwnys dty hayraghyn, jean dty nearey hene y ymmyrkey, son ny peccaghyn t’ou er ny ve cur-roo, ny s’eajee na t’adsyn: cha vel adsyn cha foiljagh rhyt’s: dy feer, bee uss er dty naaraghey myrgeddin, as jean dty nearey hene y ymmyrkey, ayns dy vel oo son leshtal da dty hayraghyn.

Habakkuk 1:13

T’ou uss jeh sooillyn s’glenney na dy chur-my-ner yn olk, as cha vod oo jeeaghyn er mee-chairys: cre’n-fa t’ou lhiggey lhieusyn ta dellal dy molteyragh, as t’ou dty host, tra ta’n mee-chrauee stroie yn dooinney ta ny s’ynrick na eh-hene?

Noo Mian 3:8

Cur-jee magh nish er-y-fa shen messyn cooie dy arrys.

Noo Ean 8:9

As v’adsyn cheayll eh, er nyn gheyrey liorish nyn gooinsheanse hene, as hie ad magh fer lurg fer jeu, goaill toshiaght veih yn er shinney gys yn er saa: as va Yeesey faagit ny-lomarcan, as y ven ny shassoo kiongoyrt rish.

Romanee 13:12

Ta’n oie foddey ceaut, ta’n laa er-gerrey: lhig dooin er-y-fa shen tilgey ersooyl obbraghyn y dorraghys, as lhig dooin cur orrin eïlley yn toilshey.

Romanee 3:19

Nish ta fys ain cre-erbee ta’n leigh dy ghra, te dy ghra roosyn ta fo’n leigh: dy vod dagh beeal ve ny host, as dy vod ooilley’n seihll ve oolee fenish Yee.

1 Samuel 24:17

As dooyrt eh rish David, T’ou uss ny s’cairal na ta mish: son t’ou er chooilleeney mie dooys, son yn olk ren mish kiarail dt’oï’s.

1 Samuel 24:18

As t’ou er hoilshaghey dou yn laa shoh kys t’ou er ghellal dy mie rhym; ayns nagh ren oo m’y varroo, tra ren y Chiarn mish y livrey ayns dty laue.