Genesis 38:24 - Yn Vible Casherick 1775 1819

²⁴ As haink eh gy-kione, mysh three meeaghyn lurg shen, dy row eh inshit da Judah, gra, Ta Tamar dty ven-chleuin er n’yannoo maarderys, as myrgeddin, cur-my-ner, t’ee torragh, liorish maarderys: As dooyrt Judah, Cur-jee lhieu magh ee, as lhig jee ve losht.

Genesis 38:24 ပူးပေါင်းရင်းမြစ်များ

Genesis 20:3

Agh haink Jee gys Abimelech ayns ashlish ’syn oie, as dooyrt eh rish, Cur-my-ner, cha vel oo agh dooinney marroo, kyndagh rish y ven t’ou er ghoaill: son t’ee ben dooinney elley.

Genesis 20:7

Shen-y-fa, cur nish yn ven da’n dooinney: son she phadeyr eh, as gowee eh padjer er dty hon, as bee oo bio: agh mannagh der oo da ee, toig, dy bee oo dy shickyr er dty choyrt dy baase, oo hene, as ooilley ny ta lhiat’s.

Genesis 20:9

Eisht hug Abimelech fys er Abraham, as dooyrt eh rish, Cre shoh t’ou er n’yannoo rooin? as cre’n oill ta mee er n’yannoo, dy vel oo er choyrt lhiat orrym’s, as er my reeriaght, peccah trome? s’olk yn obbyr t’ou er n’yannoo.

Genesis 34:31

As dooyrt ad, Kys by-lhoys da dellal rish y chuyr ain, myr rish streebagh?

Genesis 38:23

As dooyrt Judah, Lhig ee freayll ad, nagh bee mayd naarit: cur-my-ner, hug mee yn mannan shoh, agh cha vel oo er gheddyn ee.

2 Samuel 12:5

As va corree Ghavid dy mooar er ny vrasnaghey noi’n dooinney, as dooyrt eh rish Nathan, Myr ta’n Chiarn bio, yn dooinney t’er n’yannoo yn aggair shoh bee eh son shickyrys er ny choyrt gy-baase.

2 Samuel 12:7

As dooyrt Nathan rish David, Oo-hene y dooinney shen. Myr shoh ta’n Chiarn Jee Israel dy ghra, Ren mish uss y ooilaghey dy ve dty ree harrish Israel, as livrey mee oo veih laue Saul;

Ecclesiastes 7:26

As hooar mee ny shirroo na’n baase yn ven ta’n cree eck ribbaghyn as lieenteenyn, as e laueyn myr geulaghyn: quoi-erbee ta dy wooiys Jee shaghnys ee, agh bee’n drogh-yantagh goit lioree.

Jeremiah 2:20

Son ’sy chenn earish ren mish dty whing y vrishey, as scoltey dty gheulaghyn; as dooyrt oo, Cha jean-ym olk y yannoo arragh; ec y traa cheddin er dy chooilley chronk ard, as fo dy chooilley villey glass, v’ou rouail mygeayrt, geiyrt er maarderys.

Jeremiah 3:1

Jir ad, My ta dooinney scarrey rish e ven, as ee dy gholl voish, as cheet dy ve ben da fer elley, jean eh reesht goaill r’ee? nagh bee’n cheer shen fo loght neu-ghlennid? agh t’ou uss er n’yannoo oainjyrys rish maarderagh ny ghaa; ny-yeih chyndaa reesht hym’s, ta’n Chiarn dy ghra.

Jeremiah 3:6

Dooyrt y Chiarn myrgeddin rhym rish lhing Yosiah yn ree, Vel oo er chur tastey da shen ta Israel chooyl-skyrraghtyn er n’yannoo? t’ee er n’gholl seose er dy chooilley lieau ard, as fo dy chooilley villey glass, as ayns shen t’ee er n’yannoo maarderys.

Jeremiah 3:8

As hug mee tastey, lurg dou ve er choyrt ersooyl ee, son ooilley ny oyryn lioroo va Israel chooyl-skyrraghtyn er vrishey poosey, as dy row mee er choyrt jee screeuyn-scarree; ny-yeih cha ren y chuyr foalsey eck Judah aggle y ghoaill, agh hie ish as ren ee maarderys myrgeddin.

Ezekiel 16:15

Agh hreisht oo ayns dty aalid hene, as chloie oo yn streebagh er barrant dty ghoo, as gheayrt oo magh dty streebeeys gys dy chooilley unnane va goll shaghey; leshyn ve.

Ezekiel 16:25

T’ou er hroggal dty ard-ynnyd ec kione dagh raad, as er n’yannoo dwoaiagh dty aalid, as er vosley dty chassyn da dy chooilley unnane va goll shaghey, as er vishaghey dty vaarderys.

Ezekiel 16:26

T’ou er n’yannoo maarderys myrgeddin rish ny Egyptianee dty naboonyn, mooar ayns feill; as t’ou er vishaghey dty streebeeys, dy my vrasnaghey gys corree.

Ezekiel 16:28

T’ou er n’yannoo maarderys myrgeddin rish ny Assyrianee, er-yn-oyr dy r’ou jollyssagh; t’ou er n’yannoo maarderys roo, as ny-yeih cha voddagh oo ve jeant magh.

Ezekiel 16:41

As nee ad dty hieyn y lostey lesh aile, as briwnyssyn y chooilleeney ort’s ayns shilley ymmodee mraane: as ver-yms ort’s dy scuirr veih dty vaarderys, as cha der uss myrgeddin faill erbee arragh.

Ezekiel 23:19

Ny-yeih, hie ee er e toshiaght ayns maarderys, ayns tayrn gys cooinaghtyn laghyn e aegid, tra ren ee maarderys ayns cheer Egypt.

Ezekiel 23:44

Ny-yeih, hie ad stiagh myr gys strumpag ghaaney: er yn aght cheddin va oc dy yannoo rish Aholah as Aholibah, ny mraane gyn-nearey shoh.

Ezekiel 23:5

As ren Aholah maarderys m’oï tra v’ee lhiam’s, as va’n aigney eck soit er e graihderyn, er ny Assyrianee ny naboonyn eck:

Hosea 2:5

Son ta’n moir oc er choyrt rish streebeeys: t’eeish ren ad y yientyn er n’yannoo dy naareydagh: son dooyrt ee, Hem marish my gheiney-sooree, ta coyrt dou m’arran, as m’ushtey, my ollan, as my lieen, my ooil, as feeyn.

Hosea 3:3

As dooyrt mee r’ee, Nee oo tannaghtyn mârym ymmodee laghyn, cha der oo rish streebeeys, as cha bee oo cour dooinney elley, myr shoh myrgeddin veem’s er dty hon’s.

Hosea 4:15

Ga dy vel uss Israel er n’yannoo streebeeys, ny-yeih, ny lhig da Judah ve kyndagh, as ny tar-jee gys Gilgal, chamoo gow-jee seose gys Beth-aven, ny loo-jee, Ta’n Chiarn bio.

Leviticus 20:10

As y dooinney ta foiljagh jeh brishey poosey rish ben ghooinney elley, eer eshyn ta brishey poosey rish ben e naboo, bee’n maarderagh as y streebagh dy shickyr er nyn goyrt gy-baase.

Leviticus 21:9

As my nee inneen saggyrt erbee tayrn scammylt urree hene liorish streebeeys, t’ee tayrn scammylt er e ayr: bee ish losht lesh aile:

Romanee 14:22

Vel credjue ayd? lhig da ve ayd dhyt hene kionfenish Yee. S’maynrey yn dooinney nagh vel deyrey eh-hene ayns shen ny t’eh dy lowal.

Deuteronomy 24:16

Cha bee ny ayraghyn er ny choyrt gy-baase son y chloan; chamoo vees cloan er nyn goyrt gy-baase son ny ayraghyn: bee dy chooilley ghooinney er ny choyrt gy-baase son e pheccah hene.

Briwnyn 19:2

As phrow’n co-lhiabbagh neu-firrinagh da, as hie ee ersooyl voish gys thie e ayrey, gys Beth-lehem-judah, as v’ee ayns shen kiare meeaghyn.