Genesis 38:20 - Yn Vible Casherick 1775 1819

²⁰ As hug Judah yn mannan, liorish laue e charrey yn Adullamite, dy eaysley e yioal veih laue yn ven: agh cha row ee ry-gheddyn.

Genesis 38:20 ပူးပေါင်းရင်းမြစ်များ

Genesis 20:9

Eisht hug Abimelech fys er Abraham, as dooyrt eh rish, Cre shoh t’ou er n’yannoo rooin? as cre’n oill ta mee er n’yannoo, dy vel oo er choyrt lhiat orrym’s, as er my reeriaght, peccah trome? s’olk yn obbyr t’ou er n’yannoo.

Genesis 38:1

As haink eh gy-kione, ec y traa shen, dy jagh Judah sheese veih e vraaraghyn, as hyndaa eh dy yeeaghyn Adullamite dy row, va’n ennym echey Hirah.

Genesis 38:19

As hrog ee urree as hie ee ro-ee, as hug ee e coodagh j’ee, as hug ee e garmadyn ben-treoghe urree.

Genesis 38:21

Eisht vrie eh jeh deiney yn ynnyd shen, gra, Cre vel y streebagh va ry-akin rish oirr y raad? as dooyrt ad, Cha row streebagh erbee ’syn ynnyd shoh.

2 Samuel 13:3

Agh va carrey ec Amnon, va’n ennym echey Jonadab, mac Shimeah, braar Ghavid: as va Jonadab dooinney feer chroutagh.

Leviticus 19:17

Cha bee dwoaie ayd er dty naboo ayns dty chree: ver oo dy dooie oghsan da dty naboo, as gyn lhiggey da tannaghtyn ayns e pheccah.

Noo Luke 23:12

As y laa cheddin va coardail er ny yannoo eddyr Pilate as Herod; son roïe v’ad ayns noidys ry-cheilley.

Briwnyn 14:20

Agh va ben Samson er ny choyrt da e heshey, v’eh er ghoaill myr e charrey.