Genesis 37:9 - Yn Vible Casherick 1775 1819

⁹ As ren eh reesht dreamal elley, as dinsh eh da e vraaraghyn eh, as dooyrt eh, Cur-my-ner, ta mee er n’yannoo dreamal elley, as cur-my-ner, ren y ghrian, as yn eayst, as ny un rollageyn jeig biallys dou.

Genesis 37:9 ပူးပေါင်းရင်းမြစ်များ

Genesis 20:3

Agh haink Jee gys Abimelech ayns ashlish ’syn oie, as dooyrt eh rish, Cur-my-ner, cha vel oo agh dooinney marroo, kyndagh rish y ven t’ou er ghoaill: son t’ee ben dooinney elley.

Genesis 37:10

As dinsh eh shoh da e ayr, as da e vraaraghyn, as hug e ayr oghsan da as dooyrt eh rish, Cre’n dreamal shoh t’ou er n’yannoo? Jig-yms, as dty voir, as dty vraaraghyn dy jarroo, dy chroymmey shin hene sheese hood’s gys y thalloo?

Genesis 37:7

Son, Cur-my-ner, va shin kiangley bunneeyn ’sy vagher, as cur-my-ner, hrog yn vunney aym’s, as myrgeddin, hass eh seose jeeragh; as cur-my-ner, hass ny bunneeyn euish ooilley mygeayrt, as ren ad biallys da’n vunney aym’s.

Genesis 37:8

As dooyrt e vraaraghyn rish, Jean uss dy jarroo reill harrin? nee ayd’s vees yn ard reill harrin? as wheesh shen smoo dy ghwoaie foast v’oc er, son e ghreamallyn as son e ghoan.

Genesis 41:25

As dooyrt Joseph rish Pharaoh, Cha vel dreamal Pharaoh cowraghey agh yn un red: ta Jee er hoilshaghey da Pharaoh, cre t’eh kiarail dy yannoo.

Genesis 41:32

As son dy row yn dreamal er ny ghoobley da Pharaoh, te, er-yn-oyr dy vel y chooish er ny oardaghey liorish Jee, as nee Jee shen dy gerrit y chooilleeney.

Genesis 42:6

As va Joseph ny chiannoort harrish y cheer, as eshyn ve va creck rish ooilley sleih ny cheerey: as haink braaraghyn Yoseph, as chroym ad ad-hene sheese kiongoyrt rish, lesh nyn eddinyn gys y thalloo.

Genesis 43:26

As tra haink Joseph thie, hug ad lhieu huggey yn gioot v’oc nyn laue stiagh ’sy thie, as chroym ad ad-hene huggey gys y thalloo.

Genesis 43:28

As dreggyr ad, Ta dty harvaant yn ayr ain ayns slaynt vie, t’eh foast bio: as chroym ad sheese nyn ghing, as ren ad biallys.

Genesis 44:14

As haink Judah as e vraaraghyn gys thie Yoseph (son v’eh foast sthie) as huitt ad kiongoyrt rish, er y thalloo.

Genesis 44:19

Dênee my hiarn jeh e harvaantyn, gra, Vel ayr, ny braar eu?

Genesis 45:9

Jean-jee siyr, as immee-jee seose gys m’ayr, as abbyr-jee rish, Myr shoh ta dty vac Joseph, gra, Ta Jee er n’yannoo mish my hiarn er ooilley Egypt; tar neose hym, ny lhig shaghey.

Genesis 46:29

As hooar Joseph e ainagh aarloo, as hie eh seose quail Israel e ayr gys Goshen; as haink eh ’syn enish echey, as huitt eh er e wannal, as cheayn eh er e wannal, son tammylt mie.

Genesis 47:12

As ren Joseph magh e ayr, as e vraaraghyn, as ooilley lught-thie e ayrey, lesh arran, cordail rish nyn lught-thie.

Daniel 8:10

As daase eh mooar, eer corrym rish sheshaght-caggee niau, as cheau eh sheese paart jeh’n cheshaght-chaggee, as jeh ny rollageyn gys y thalloo, as stamp eh orroo.

Earrooyn 12:6

As dooyrt eh, Eaisht-jee nish rish my ghoan; My ta phadeyr ny mast’ eu, Mish y Chiarn, nee soilshaghey mee hene da ayns ashlish, as loayr-ym rish aym’s dreamal.

Philippianee 2:15

Dy vod shiu ve gyn loght as ôney, cloan dy Yee, fegooish oghsan ayns mean sheeloghe camlaagagh as roonagh, ny-vud oc ta shiu lossey myr soilshaghyn ’sy theihll: