Genesis 37:8 - Yn Vible Casherick 1775 1819

⁸ As dooyrt e vraaraghyn rish, Jean uss dy jarroo reill harrin? nee ayd’s vees yn ard reill harrin? as wheesh shen smoo dy ghwoaie foast v’oc er, son e ghreamallyn as son e ghoan.

Genesis 37:8 ပူးပေါင်းရင်းမြစ်များ

Genesis 27:41

As va dwoaie ec Esau er Jacob, kyndagh rish y bannaght, lesh va e ayr er vannaghey eh: as dooyrt Esau ayns e chree, Ta laghyn dobberan son my ayr er-gerrey, eisht marr-ym my vraar Jacob.

Genesis 37:4

As tra honnick e vraaraghyn, dy bynney lesh nyn ayr eh, ny share na ooilley e vraaraghyn, dy dug ad dwoaie da, chamoo loayragh ad dy dooie rish.

Genesis 37:9

As ren eh reesht dreamal elley, as dinsh eh da e vraaraghyn eh, as dooyrt eh, Cur-my-ner, ta mee er n’yannoo dreamal elley, as cur-my-ner, ren y ghrian, as yn eayst, as ny un rollageyn jeig biallys dou.

Genesis 42:10

As dooyrt adsyn rish, Cha nee, my hiarn, agh dy chionnaghey beaghey ta dty harvaantyn er jeet.

Genesis 44:18

Eisht haink Judah er-gerrey da, as dooyrt eh, O my hiarn, lhig ta dty harvaant, ta mee guee ort, fockle y loayrt ayns clashtyn my hiarn, as ny lhig da dty chorree lostey noi dty harvaant: son t’ou uss eer myr Pharaoh.

Genesis 49:26

Ta Bannaghtyn dt’ayrey erskyn bannaghtyn my henn-ayryn, gys yn ard sodjey magh jeh ny sleityn dy bragh farraghtyn: bee ad er kione Yoseph, as er mullagh y chione echeysyn, v’er ny scarrey veih e vraaraghyn.

Genesis 50:18

As hie e vraaraghyn myrgeddin, as huitt ad sheese ’syn enish echey, as dooyrt ad, Cur-my-ner, ta shinyn dty harvaantyn.

Psalmyn 118:22

Yn chlagh cheddin ren ny masoonee y vee-lowal: ta er jeet dy ve yn ard-chlagh chorneilagh.

Exodus 2:14

As dooyrt eshyn, Quoi ren uss dty phrince as dty vriw harrin? vel oo kiarail dy my varroo, myr varr oo yn Egyptian? As ghow Moses aggle; as dooyrt eh, Ta’n red shoh son shickyrys er jeet gys soilshey.

Noo Luke 19:14

Agh dirree yn theay shen magh n’oï, as hug ad chaghteraght geiyrt er, gra, Cha naill-lhien yn dooinney shoh dy reill harrin.

Noo Luke 20:17

As yeeagh eh orroo, as dooyrt eh, Cre shoh eisht ta scruit, Ta’n chlagh ren ny masoonee y vee-lowal, er jeet dy ve yn ard-chlagh chorneilagh?

Jannoo 7:35

Yn Moses shoh ren adsyn y obbal, gra, Quoi ren uss dty er-reill as dty vriw? Eh shoh hug Jee dy ve ny er-reill as dy choyrt livrey-ys liorish laueyn yn ainle honnick eh ayns y thammag.

Deuteronomy 33:16

As son giootyn berchagh y thallooin, as e phalchey, as son yn aigney-mie echeysyn hoilshee eh hene ayns y thammag ailagh: lhig da’n bannaght cheet er kione Yoseph, as er mullagh y chione echeysyn, v’er ny scarrey veih e vraaraghyn.

Hebrewnee 10:29

Cre’n kerraghey foddey s’trimmey, ta shiuish smooinaghtyn, t’eshyn dy hoilchin, t’er stampey fo-chosh Mac Yee, as ta er choontey fuill yn chonaant liorish v’eh er ny chasherickey, ny red neu-chasherick, as er hassoo magh dy olkyssagh noi’n Spyrryd dy ghrayse?

1 Samuel 10:27

Agh dooyrt cloan Velial, Kys nee ’n dooinney shoh shinyn y livrey? As hoie ad beg jeh, as cha dug ad lhieu gioot erbee huggey: agh cha lhig eh monney er.

1 Samuel 17:28

As cheayll Eliab e vraar shinney yn glare va eddyr eh as ny deiney; as va corree Eliab er ny ghreesaghey noi David, as dooyrt eh, Cre hug uss ayns shoh? as quoi marish t’ou er n’aagail ny reygyryn shen dy chirree ayns yn aasagh? Shione dou dty voyrn, as mee-reiltys dty chree: cha row chyrrys ayd ayns shoh, agh dy akin y chaggey.

1 Samuel 18:8

As va Saul feer chorree, as hug y raa shoh sou er e aigney; as dooyrt eh, Gys lieh Ghavid t’ad er choyrt jeih thousaneyn, as my lieh’s cha vel ad er choyrt agh thousaneyn: as cre smoo baillish nish agh y reeriaght?