Genesis 37:7 - Yn Vible Casherick 1775 1819

⁷ Son, Cur-my-ner, va shin kiangley bunneeyn ’sy vagher, as cur-my-ner, hrog yn vunney aym’s, as myrgeddin, hass eh seose jeeragh; as cur-my-ner, hass ny bunneeyn euish ooilley mygeayrt, as ren ad biallys da’n vunney aym’s.

Genesis 37:7 ပူးပေါင်းရင်းမြစ်များ

Genesis 27:29

Lhig da pobble uss y hirveish, as ashoonyn croymmey hood; bee uss chiarn harrish dty vraaraghyn, as lhig mec dty vayrey biallys ’chur dhyt: bee mollaght ersyn ta guee mollaght ort, as bee bannaght ersyn ta dy dty vannaghey.

Genesis 37:6

As dooyrt eh roo, Clasht-jee, ta mee guee erriu, yn dreamal shoh va aym.

Genesis 42:6

As va Joseph ny chiannoort harrish y cheer, as eshyn ve va creck rish ooilley sleih ny cheerey: as haink braaraghyn Yoseph, as chroym ad ad-hene sheese kiongoyrt rish, lesh nyn eddinyn gys y thalloo.

Genesis 42:9

As chooinee Joseph er ny dreamallyn v’echey jeusyn, as dooyrt eh roo, She peeikearyn follit shiu: dy akin boghtynid y cheer ta shiu er jeet.

Genesis 43:26

As tra haink Joseph thie, hug ad lhieu huggey yn gioot v’oc nyn laue stiagh ’sy thie, as chroym ad ad-hene huggey gys y thalloo.

Genesis 43:28

As dreggyr ad, Ta dty harvaant yn ayr ain ayns slaynt vie, t’eh foast bio: as chroym ad sheese nyn ghing, as ren ad biallys.

Genesis 44:14

As haink Judah as e vraaraghyn gys thie Yoseph (son v’eh foast sthie) as huitt ad kiongoyrt rish, er y thalloo.

Genesis 44:18

Eisht haink Judah er-gerrey da, as dooyrt eh, O my hiarn, lhig ta dty harvaant, ta mee guee ort, fockle y loayrt ayns clashtyn my hiarn, as ny lhig da dty chorree lostey noi dty harvaant: son t’ou uss eer myr Pharaoh.

Genesis 44:19

Dênee my hiarn jeh e harvaantyn, gra, Vel ayr, ny braar eu?

Genesis 50:18

As hie e vraaraghyn myrgeddin, as huitt ad sheese ’syn enish echey, as dooyrt ad, Cur-my-ner, ta shinyn dty harvaantyn.

Philippianee 2:10

Ec ennym Yeesey dy jinnagh dy chooilley ghlioon lhoobey, dy reddyn ayns niau, as reddyn er y thalloo, as dy reddyn fo’n thalloo;

Colossianee 1:18

As t’eshyn kione y chorp, yn agglish: eh ta’n toshiaght, yn chied-er-ny-ruggey veih ny merriu; dy voddagh yn ard-reill ’ve echey ayns dy chooilley nhee.