Genesis 37:4 - Yn Vible Casherick 1775 1819

⁴ As tra honnick e vraaraghyn, dy bynney lesh nyn ayr eh, ny share na ooilley e vraaraghyn, dy dug ad dwoaie da, chamoo loayragh ad dy dooie rish.

Genesis 37:4 ပူးပေါင်းရင်းမြစ်များ

Genesis 27:41

As va dwoaie ec Esau er Jacob, kyndagh rish y bannaght, lesh va e ayr er vannaghey eh: as dooyrt Esau ayns e chree, Ta laghyn dobberan son my ayr er-gerrey, eisht marr-ym my vraar Jacob.

Genesis 37:11

As ren e vraaraghyn troo mysh: agh smooinee e ayr dy dowin er y raa.

Genesis 37:5

As ren Joseph dreamal, ren eh ginsh da e vraaraghyn; as shen myr smoo va feoh oc er.

Genesis 4:5

Agh jeh Cain as jeh e oural cha ren eh soiaghey: as va Cain feer jymmoosagh, as va groam er e eddin.

Genesis 49:23

Ta ny sideyryn er heaghney eh dy trome, as er lhiggey er, as er choyrt dwoaie da.

Psalmyn 38:19

Agh ta my noidyn bio as niartal: as t’adsyn ta dwoaie oc orrym gyn oyr, ymmodee ayns earroo.

Psalmyn 69:4

Adsyn ta dwoaie oc orrym gyn oyr, t’ad ny shlee na renaigyn my ching: adsyn ta my noidyn, as bailliu mish ta neu-chyndagh y stroie, t’ad niartal.

Jeremiah 12:6

Son eer dty vraaraghyn, as thie dt’ayrey, t’adsyn neesht er ghellal dy foalsey rhyt; t’ad myrgeddin er lhiggey’n theay ort: ny treisht orroo, ga dy vel ad loayrt goan brynneragh rhyt.

Noo Mark 3:25

As my ta thie girree-magh n’oï hene, cha vod y thie shen shassoo.

Titus 3:3

Son va shin hene myrgeddin keayrt dy row mee-hushtagh, mee-viallagh, ayns marranys, fo reill ymmodee yeearreeyn as eunyssyn peccoil, baghey ayns goanlys as roon, dwoaiagh, as coyrt dwoaie yn derrey yeh da’n jeh elley.

1 Ean 2:11

Agh eshyn ta feoh echey er e vraar, t’eh ayns dorraghys, as shooyl ’sy dorraghys, as cha vel fys echey cre’n raad t’eh goll, son dy vel dorraghys er gholley e hooillyn.

1 Ean 3:10

Liorish shoh ta cloan Yee er nyn gronnaghey voish cloan y drogh-spyrryd: Quoi-erbee nagh vel jannoo cairys, cha vel eh jeh Jee, ny foast eshyn nagh nhynney lesh e vraar.

1 Ean 3:12

Cha nee myr va Cain, va jeh’n drogh-er shen, as varr e vraar: As cre’n-fa varr eh eh? Er-yn-oyr dy row ny obbraghyn echey hene olk, as obbraghyn e vraarey cairagh.

1 Ean 4:20

My ta dooinney gra, Ta graih aym er Jee, as dwoaie echey er e vraar, t’eh ny vreagerey: son eshyn nagh nhynney lesh e vraar t’eh er vakin, kys oddys eh graih y choyrt da Jee nagh vel eh er vakin?

1 Samuel 17:28

As cheayll Eliab e vraar shinney yn glare va eddyr eh as ny deiney; as va corree Eliab er ny ghreesaghey noi David, as dooyrt eh, Cre hug uss ayns shoh? as quoi marish t’ou er n’aagail ny reygyryn shen dy chirree ayns yn aasagh? Shione dou dty voyrn, as mee-reiltys dty chree: cha row chyrrys ayd ayns shoh, agh dy akin y chaggey.