Genesis 37:2 - Yn Vible Casherick 1775 1819

² Shoh coontey jeh kynneeyn Yacob, tra va Joseph shiaght bleeaney jeig dy eash, v’eh bochillagh y chioltane marish e vraaraghyn, as va’n scollag marish mec Bilhah, as mec Zilpah, mraane e ayrey; as dinsh Joseph da e ayr jeh’n drogh ghoo oc.

Genesis 37:2 ပူးပေါင်းရင်းမြစ်များ

Genesis 10:1

Nish ad shoh sheelogheyn vec Noah; Shem, Ham, as Japheth: as daue va mec er nyn ruggey lurg y thooilley.

Genesis 2:4

Shoh coontey jeh toshiaght ny niaughyn as y thalloo, tra v’ad er nyn groo, er y laa ren y Chiarn Jee yn thalloo as ny niaughyn y chroo,

Genesis 30:4

As hug ee da Bilhah yn charvaant ec son ben: as va enney ec Jacob urree.

Genesis 30:9

Tra honnick Leah, dy row ee er scuirr gymmyrkey, ghow ee Zilpah yn charvaant eck, as hug ee da Jacob ee son ben.

Genesis 35:22

As haink eh gy-kione, tra va Israel cummal ’sy cheer shen, dy jagh Reuben, as lhie eh marish Bilhah co-lhiabbagh e ayrey: as cheayll Israel jeh. Nish va mec Yacob ghaa-yeig.

Genesis 41:46

As va Joseph jeih bleeaney as feed dy eash, tra hass eh fenish Pharaoh ree Egypt; as hie Joseph magh veih fenish Pharaoh, as hie eh trooid ooilley cheer Egypt.

Genesis 42:8

As va enney ec Joseph er e vraaraghyn, agh cha row enney oc ersyn.

Genesis 45:6

Son y daa vleïn shoh ta’n ghortey er ny ve ’sy cheer: as foast ta queig bleeaney, ayndoo, cha bee traaue ny buinn.

Genesis 46:34

Dy jir shiuish, Ta aght beaghee dty harvaantyn er ve mysh ollagh veih nyn aegid, eer derrey nish, chammah shinyn, as myrgeddin nyn ayraghyn: dy vod shiu beaghey ayns cheer Ghoshen; son ta dy chooilley vochill dwoaiagh ayns shilley ny Egyptianee.

Genesis 5:1

Shoh lioar sheelogheyn Adam. ’Sy laa ren Jee dooinney y chroo, ayns caslys Yee ren eh eshyn y chroo:

Genesis 6:9

Ad shoh sheelogheyn Noah, va Noah ny ghooinney cairagh as ynrick ayns e heelogheyn: as ren Noah e vea y leeideil myr ayns fenish Yee.

Noo Ean 7:7

Cha vod y seihll dwoaie y chur diuish, agh dooys te cur dwoaie; er-yn-oyr dy vel mee gymmyrkey feanish jeh, dy vel ny obbraghyn echey olk.

1 Corinthianee 1:11

Son te er ny ve soilshit dooys mychione eu, my vraaraghyn, lioroosyn jeh lught-thie Chloe, dy vel streeuaghyn nyn mast’ eu.

1 Corinthianee 11:18

Son hoshiaght ooilley, tra ta shiu cheet cooidjagh ayns y cheeill, ta mee clashtyn dy vel streeuaghyn nyn mast’ eu; as ayns ayrn ta mee credjal eh.

1 Corinthianee 5:1

Te goo cadjin dy vel maarderys nyn mast’ eu, as lheid y vaarderys as nagh vel wheesh as er ny enmys mastey ny Ashoonyn-quaagh, dy jinnagh fer goaill da hene ben e ayrey.