Genesis 34:3 - Yn Vible Casherick 1775 1819

³ As ren e chree lhiantyn gys Dinah inneen Yacob; as v’eh ayns graih rish y ven aeg, as loayr eh dy dooie r’ee.

Genesis 34:3 ပူးပေါင်းရင်းမြစ်များ

Genesis 34:2

As tra va Shechem mac Hamor yn Hivite, prince jeh’n cheer, er vakin ee, ghow eh ee, as lhie eh mâree, er-êgin.

Genesis 34:4

As loayr Shechem rish e ayr Hamor, gra, Fow yn ven aeg shoh dou son ben.

Genesis 50:21

Nish er-y-fa shen, ny gow-jee aggle: neem’s shiuish as nyn gloan y veaghey: as ren eh ad y gherjaghey, as loayr eh dy dooie roo.

2 Samuel 19:7

Shen-y-fa nish, irree, gow magh, as loayr dy gerjoilagh rish dty harvaantyn: son ta mee breearrey liorish y Chiarn, mannagh jed oo magh, cha bee fer nee fuirriaght mayrt’s noght: as bee shen ny smessey dhyt na dy chooilley olk t’er duittym ort veih dty aegid derrey nish.

2 Recortyssyn 30:22

As loayr Hezekiah dy gerjoilagh rish ooilley ny Leviteyn, va cur er y hoshiaght tushtey mie yn Chiarn: as dreill ad seose gien y feailley slane shiaghtin, chebbal ourallyn-shee, as coyrt moylley da’n Chiarn, Jee nyn ayraghyn.

Isaiah 40:2

Loayr-jee dy gerjoilagh rish Jerusalem, as eïe-jee dy vel y seaghyn eck harrish, dy vel y vee-chairys eck er ny phardooney; son t’ee er gheddyn veih laue yn Chiarn [kerraghey] dooble son ooilley e peccaghyn.

Hosea 2:14

Shen-y-fa, cur-my-ner, nee’m ee y chleayney, as ver-ym lhiam ee gys yn aasagh, as loayr-ym dy dooie r’ee.

Hosea 2:16

As er y laa shen, ta’n Chiarn dy ghra, nee oo genmys mish Ishi, as cha nee ny sodjey Baali.

Briwnyn 19:3

As dirree e sheshey, as hie eh geiyrt urree dy loayrt dy dooie r’ee, as dy ghoaill ee reesht, as va’n charvaant echey mârish, as daa assyl: as hug ish lh’ee stiagh eh gys thie e ayrey; as tra honnick ayr yn ven aeg eh, ghow eh lane boggey jeh.

Ruth 1:14

As hrog ad seose nyn goraa, as cheayn ad reesht: as phaag Orpah e moir-’sy-leigh, agh duirree Ruth mâree.

1 Samuel 18:1

As haink eh gy-kione tra v’eh erreish loayrt rish Saul, dy row annym Yonathan as annym Ghavid sniemmit dy cheilley, as bynney lesh Jonathan eh myr yn annym echey hene.