Genesis 32:9 - Yn Vible Casherick 1775 1819

⁹ As dooyrt Jacob, O Yee m’ayr Abraham, as Yee m’ayr Isaac, yn Chiarn dooyrt rhym, Chyndaa reesht gys dty heer hene, as gys dty chynney, as neem’s dellal dy mie rhyt:

Genesis 32:9 ပူးပေါင်းရင်းမြစ်များ

Genesis 17:7

As nee’m my chonaant y niartaghey eddyr mish as uss, as dty luight dty yeï, ayns ny sheelogheyn oc, son conaant dy bragh farraghtyn, dy ve my Yee dhyt’s as da dty luight dty yeï.

Genesis 28:13

As cur-my-ner, hass y Chiarn erskyn, as dooyrt eh, Mish yn Chiarn, Jee Abraham dty ayr, as Jee Isaac: yn cheer t’ou dy lhie er, dhyt’s ver-yms eh, as da dty luight.

Genesis 28:15

As cur-my-ner, ta mish mayrt, as neem’s oo y reayll, ayns dy chooilley ynnyd raad t’ou goll, as ver-ym lhiam oo reesht gys y cheer shoh: son cha dreig-ym oo, derrey vee’m er chooilleeney shen, my-e-chione ta mee er loayrt rhyt.

Genesis 31:13

Mish Jee Veth-el, raad ren oo ooilaghey yn phillar, as raad ren oo breearrey dou: nish trog ort, cosne royd magh ass y cheer shoh, as chyndaa gys cheer dty chynney.

Genesis 31:29

Te ayns pooar my laue dy yannoo skielley dhyt: agh loayr Jee dt’ayrey rhym’s ’syn oie riyr, gra, Cur twoaie, nagh loayr oo rish Jacob edyr mie ny sie.

Genesis 31:3

As dooyrt y Chiarn rish Jacob, Chyndaa reesht gys cheer dty ayraghyn, as gys dty chynney: as bee’m mayrt.

Genesis 31:42

Er-be dy row Jee m’ayr, Jee Abraham, as aggle Isaac er ve mârym, son shickyrys v’ou nish er my choyrt ersooyl follym: ta Jee er vakin my heaghyn as laboraght my laueyn, as er chur oghsan dhyt riyr.

Genesis 31:53

Dy jean Jee Abraham as Jee Nahor, Jee nyn ayrey, briwnys eddyr shin. As loo Jacob liorish aggle e ayr Isaac.

Genesis 32:8

As dooyrt eh, My hig Esau gys y derrey heshaght, as tuittym orroo, eisht nee yn cheshaght elley ta faagit cosney roue.

Genesis 49:25

Eer liorish Jee dt’ayrey, nee cooney lhiat, as liorish yn ooilley-niartal, nee uss y vannaghey, lesh bannaghtyn niau heose, bannaghtyn y diunid heese, bannaghtyn ny keeaghyn, as y vreïn.

2 Recortyssyn 20:12

O nyn Yee, nagh jean oo ad y vriwnys? son s’beg ta’n niart ainyn noi’n cheshaght vooar shoh ta cheet orrin: chamoo ta fys ain cre nee mayd, agh ort’s ta nyn sooillyn.

2 Recortyssyn 20:6

As dooyrt eh, O Hiarn Yee nyn ayraghyn, nagh nee uss yn Jee t’ayns niau? as nagh nee uss ta reill harrish ooilley reeriaghtyn ny ashoonee? as ayns dty laue’s nagh vel pooar as niart, myr shen nagh vod unnane erbee shassoo dt’oï?

2 Recortyssyn 32:20

As son yn oyr shoh, ren Hezekiah y ree, as y phadeyr Isaiah mac Amoz, padjer y ghoaill, as troggal seose nyn goraa gys niau.

Psalmyn 50:15

As eïe orrym’s ayns traa dy heaghyn: myr shen neem’s geaishtagh rhyt, as nee oo mish y voylley.

Psalmyn 91:15

Nee eh geamagh orrym, as ver-ym clashtyn da: dy jarroo, ta mee mârish ayns seaghyn; livrey-ym eh, as ver-ym lhiam eh gys onnor.

Exodus 3:6

Dooyrt eh myrgeddin, Mish Jee dty ayrey, Jee Abraham, as Jee Isaac, as Jee Yacob. As choodee Moses e eddin: son va aggle er dy yeeaghyn er Jee.

Jeremiah 32:16

Nish tra va mee er livrey yn bargane-kionnee da Baruch mac Neriah, ghow mee padjer gys y Chiarn, gra,

1 Samuel 30:6

As va David dy mooar seaghnit; son va’n pobble aarloo dy chlaghey eh, er-yn-oyr dy row cree ooilley’n pobble trimshagh, dy chooilley ghooinney son e vec, as e inneenyn: agh hug David e varrant ayns y Chiarn e Yee.