Genesis 32:7 - Yn Vible Casherick 1775 1819

⁷ Eisht va Jacob dy mooar agglit as seaghnit: as rheynn eh yn sleih va mârish, as ny shioltaneyn as shellooyn, as ny camelyn, ayns daa heshaght;

Genesis 32:7 ပူးပေါင်းရင်းမြစ်များ

Genesis 32:11

Livrey mee, ta mee guee ort, veih laue my vraar, veih laue Esau: son ta mee goaill aggle roish, dy jig eh as dy stroie eh mish, as y voir marish y chloan.

Genesis 32:3

As hug Jacob chaghteryn roish gys Esau e vraar, gys thalloo Seir, cheer Edom.

Genesis 32:8

As dooyrt eh, My hig Esau gys y derrey heshaght, as tuittym orroo, eisht nee yn cheshaght elley ta faagit cosney roue.

Genesis 33:1

As hrog Jacob seose e hooillyn, as yeeagh eh, as cur-my-ner, haink Esau, as mârish kiare cheead dooinney: as rheynn eh yn chloan er Leah as Rachel, as y daa harvaant.

Genesis 35:3

As lhig dooin troggal orrin, as goll seose gys Beth-el; as neem’s altar y hroggal ayns shen gys Jee, ren feaysley orrym ayns laa my heaghyn trome, as va mârym ayns y raad va mee goll,

Psalmyn 107:6

Eisht deïe ad er y Chiarn ayns nyn seaghyn: as livrey eh ad ass nyn jennid.

Psalmyn 112:5

Ta dooinney mie erreeishagh, as coyrt er eeasaght: as nee eh e ghlare y reill lesh tushtey.

Psalmyn 142:4

Yeeagh mee myrgeddin er my laue yesh: as honnick mee nagh row fer erbee yinnagh goaill rhym.

Psalmyn 31:13

Haink mee dy ve son oltooan mastey ooilley my noidyn, agh er-lheh mastey my naboonyn: as ren adsyn jeh m’ainjys roie er-chea voym, as adsyn honnick mee er y raad, ren ad m’y haghney.

Psalmyn 61:2

Veih king y theihll nee’m geamagh ort: tra ta my chree ayns trimshey.

Exodus 14:10

As hayrn Pharaoh er-gerrey, as tra hrog cloan Israel seose nyn sooillyn, cur-my-ner, va ny Egyptianee marchal er nyn eiyrt’s; as v’ad ayns aggle mooar: as deïe pobble Israel dy ard gys y Chiarn.

Raaghyn Creeney 2:11

Nee coyrle chreeney oo y choadey, bee tushtey dty endeilagh.

Isaiah 28:26

Son ta e Yee cur roish, cre dy yannoo, as gynsaghey eh ayns tushtey.

Noo Mian 10:16

Cur-my-ner ta mish dy choyrt shiu magh myr kirree mastey moddee-oaldey: Bee-jee er-y-fa shen tastagh myr ard-nieughyn, as ôney myr calmaneyn.

Noo Mian 8:26

As dooyrt eh roo, Cre’n-fa ta shiu agglagh, shiuish dy chredjue moal? Eisht dirree eh, as hug eh yn gheay, as yn aarkey fo harey, as va kiuney vooar ayn.

Noo Ean 16:33

Ny reddyn shoh ta mee er loayrt riu, aynym’s dy vod shee y ve eu. Ayns y theihll vees seaghyn eu: agh bee-jee dy yien mie, ta mish er gheddyn barriaght er y theihll.

Jannoo 14:22

Niartaghey anmeenyn ny Creesteenyn, as coyrlaghey ad dy hannaghtyn ayns y chredjue, as dy nhegin dooin trooid ymmodee seaghyn goll stiagh ayns reeriaght Yee.

2 Corinthianee 1:4

Ta gerjaghey shinyn ayns ooilley nyn seaghyn, dy vod mayd ve abyl dy gherjaghey adsyn ta fo seaghyn erbee, lesh y gerjaghey liorish ta Jee dy gherjaghey shin hene.

2 Timothy 3:12

Dy jarroo, as shegin dauesyn ooilley ta shirrey dy vaghey dy crauee ayns Creest Yeesey, tranlaase y hurranse.