Genesis 32:6 - Yn Vible Casherick 1775 1819

⁶ As hyndaa ny chaghteryn gys Jacob, gra, Haink shin gys dty vraar Esau, as t’eshyn neesht cheet dty whail, as kiare cheead dooinney mârish.

Genesis 32:6 ပူးပေါင်းရင်းမြစ်များ

Genesis 31:18

As hug eh lesh ersooyl ooilley e vaase, as ooilley e chooid v’eh er chosney, yn maase jeh’n chosney echey hene, v’eh er gheddyn ayns Padan-aram; dy gholl gys Isaac e ayr ayns cheer Chanaan.

Genesis 32:11

Livrey mee, ta mee guee ort, veih laue my vraar, veih laue Esau: son ta mee goaill aggle roish, dy jig eh as dy stroie eh mish, as y voir marish y chloan.

Genesis 32:7

Eisht va Jacob dy mooar agglit as seaghnit: as rheynn eh yn sleih va mârish, as ny shioltaneyn as shellooyn, as ny camelyn, ayns daa heshaght;

Genesis 32:8

As dooyrt eh, My hig Esau gys y derrey heshaght, as tuittym orroo, eisht nee yn cheshaght elley ta faagit cosney roue.

Genesis 33:1

As hrog Jacob seose e hooillyn, as yeeagh eh, as cur-my-ner, haink Esau, as mârish kiare cheead dooinney: as rheynn eh yn chloan er Leah as Rachel, as y daa harvaant.

Genesis 33:15

As dooyrt Esau, Lhig dou nish faagail mayrt ayrn jeh’n cheshaght ta mârym: As dooyrt eh, Cha vel feme rish, lhig dou foayr y gheddyn ayns shilley my hiarn.

Genesis 33:8

As dooyrt eh, Cre t’ou kiarail, liorish ooilley yn imman shoh, haink my whail? As dooyrt eh, T’ad shoh dy voddym foayr y gheddyn ayns shilley my hiarn.

Genesis 34:11

As dooyrt Shechem rish yn ayr, as ny braaraghyn eck Lhig dou foayr y gheddyn ’sy chilley eu; as cre-erbee hirrys shiu orrym, ver-ym diu.

Genesis 47:25

As dooyrt ad, T’ou er hauail nyn mioys: lhig dooin foayr y gheddyn ayns shilley my hiarn, as bee mayd sharvaantyn Pharaoh.

Amos 5:19

Myr dooinney ta chea veih lion, as meeiteil muc-awin: ny goll stiagh gys e hie, as lhie e laue er y voalley, as ard-nieu dy lhottey eh.

Ruth 2:13

Eisht dooyrt ee, Lhig dou foayr y gheddyn ayns dty hilley, my hiarn; son dy vel oo er my gherjaghey, as dy vel oo er loayrt dy dooie rish dty inney-veyl, ga nagh vel mish dy ve soylit gys veg jeh dty harvaantyn.

Ruth 2:2

As dooyrt Ruth yn Moabitess rish Naomi, Lhig dou nish goll gys y vagher, dy yeeassyragh geiyrt ersyn nee’n foayr shen y hoilshaghey dou. As dooyrt ee r’ee, Immee, my inneen.

1 Samuel 1:18

As dooyrt ee, Lhig da dt’inney-veyl geddyn foayr ayns dty hilley. Myr shen hie yn ven rhymbee, as ren ee gee, as cha row trimshey ny sodjey ry-akin urree.