Genesis 32:4 - Yn Vible Casherick 1775 1819

⁴ As hug eh currym orroo, gra, Myr shoh nee shiu loayrt rish my hiarn Esau: Ta dty harvaant Jacob gra myr shoh: Ta mee er cheau my hraa marish Laban, as er vuirriaght ayns shen derrey nish:

Genesis 32:4 ပူးပေါင်းရင်းမြစ်များ

Genesis 23:6

Clasht rooin, my Hiarn; t’ou dty phrince niartal ny mast’ ain; ayns y reih jeh ny oaiaghyn ain, jean dty varroo y oanluckey; cha jean unnane ain e oaie y reayll voïd; agh dy vod oo goanluckey dty varroo.

Genesis 25:30

As dooyrt Esau rish Jacob, Cur dou, ta mee guee ort, paart jeh’n bee jiarg shen; son ta mee faiynt: shen-y-fa v’eh enmyssit Edom.

Genesis 27:29

Lhig da pobble uss y hirveish, as ashoonyn croymmey hood; bee uss chiarn harrish dty vraaraghyn, as lhig mec dty vayrey biallys ’chur dhyt: bee mollaght ersyn ta guee mollaght ort, as bee bannaght ersyn ta dy dty vannaghey.

Genesis 27:37

As dreggyr Isaac, as dooyrt eh rish Esau, Cur-my-ner, ta mee er n’yannoo eh dty Hiarn, as ta mee er choyrt da ooilley e vraaraghyn dy hirveish eh; as lesh arroo as feeyn, ta mee er n’yannoo magh eh: as cre nee’m nish er dty hon’s, my vac?

Genesis 31:41

Shoh myr ta mee er ve feed bleïn ayns dty hie: hirveish mee oo kiare bleeaney jeig son dty ghaa inneen, as shey bleeaney son dty vaase; as t’ou er chaghlaa m’aill jeih keayrtyn.

Genesis 32:18

Eisht abbyr uss, T’ad lesh dty harvaant Jacob; She gioot eh, er ny choyrt gys my hiarn Esau: as cur-my-ner, t’eh myrgeddin cheet nyn yeï.

Genesis 32:5

As ta dew as assylyn aym, shioltaneyn, as fir-vooinjerey, as sharvaantyn: as ta mee er chur fys dy insh da my hiarn, dy voddym foayr y gheddyn ayns dty hilley.

Genesis 33:14

Lhig da my hiarn, ta mee guee ort, goll harrish roish e harvaant: as hem’s er my hoshiaght ass my aash, cordail myr vees y maase ta goll roym, as y chloan er y hon; derrey hig-ym gys my hiarn, gys Seir.

Genesis 33:8

As dooyrt eh, Cre t’ou kiarail, liorish ooilley yn imman shoh, haink my whail? As dooyrt eh, T’ad shoh dy voddym foayr y gheddyn ayns shilley my hiarn.

Genesis 36:8

Er-yn-oyr shoh chum Esau ayns slieau Seir: ta Esau Edom.

Genesis 36:9

As ad shoh sheelogheyn Esau, ayr ny Edomiteyn, ayns slieau Seir.

Genesis 4:7

My t’ou jannoo dy mie, nagh bee soiagh jeant jeed? as mannagh vel oo jannoo dy mie, ta peccah lhie ec dty ghorrys: bee eshyn fo dty viallys, as nee oo reill harrish.

1 Reeaghyn 20:32

Myr shoh chryss ad aanrit-sack mysh nyn meeghyn, as teddyn mysh nyn mwannal, as haink ad gys ree Israel, as dooyrt ad, Ta dty harvaant Ben-hadad gra, Ta mee guee ort, lhig my vioys lhiam. As dooyrt eh, Vel eh foast bio? she my vraar eh.

Exodus 32:22

As dooyrt Aaron, Ny lhig da corree my hiarn ve er ny vrasnaghey; shione dhyt y pobble, dy vel ad soit er olk.

Raaghyn Creeney 15:1

Ta ansoor meeley meeinaghey corree: agh ta goan fargagh doostey jymmoose.

Raaghyn Creeney 25:15

Liorish meenid ta prince er ny veiyghey, as ta chengey veeley brishey eer craueyn.

Raaghyn Creeney 6:3

Jean shoh nish, my vac, as feayshil oo hene, tra t’ou er jeet fo pooar dty naboo: immee, jean oo hene y injillaghey, as jean shickyr jeh dty charrey.

Ecclesiastes 10:4

My ta jymmoose yn reiltagh girree seose dt’oï, ny treig dty oik; son ta ammys jannoo lhiasaghey son foiljyn mooarey.

Isaiah 21:11

Briwnys Dumah. T’eh geamagh hym veih Seir, Arreyder, cre ta skeeal yn oie? arreyder, cre ta skeeal yn oie?

Noo Luke 14:11

Son quoi-erbee ta dy hoiaghey eh-hene seose, bee eh er ny injillaghey; as eshyn ta dy injillaghey eh-hene, bee eh er ny hoiaghey seose.

1 Peddyr 3:6

Dy jarroo myr ren Sara biallys y choyrt da Abraham, genmys eh ny hiarn: ny inneenyn eck ta shiuish, choud as nee shiu dy mie, as ny bee-jee agglit veih nyn gurrym lesh seaghyn erbee.

Briwnyn 5:4

Hiarn, tra hie uss magh veih Seir, tra v’ou nyn leeideilagh trooid magher Edom, ren y thalloo craa, as yn aer taarnaghey, gheayrt ny bodjallyn myrgeddin neose thooillaghyn.

1 Samuel 26:17

As hug Saul enney er coraa Ghavid, as dooyrt eh, Nee shoh’n coraa ayd’s, my vac Ghavid? as dooyrt David, She my choraa t’ayn, my hiarn, O ree.