Genesis 32:31 - Yn Vible Casherick 1775 1819

³¹ As myr hie eh harrish Peniel, dirree yn ghrian er, as v’eh baccagh ayns e lheeasid.

Genesis 32:31 ပူးပေါင်းရင်းမြစ်များ

Genesis 16:13

As ren ee geamagh er ennym y Chiarn ren loayrt r’ee [gra] T’ou uss Yee er m’y akin: son dooyrt ee, Vel mish myrgeddin er vakin eshyn t’ayns shoh er yeeaghyn orrym?

Genesis 19:15

As tra va’n moghrey rish, eisht ren ny ainleyn Lot y ghreinnaghey gys siyr, gra, Trog ort, gow dty ven, as dty ghaa inneen t’ayns shoh er-aggle dy bee oo er dty stroie ayns toyrt-mow yn ard-valley.

Genesis 19:23

Va’n ghrian er n’irree er y thalloo tra hie Lot stiagh ayns Zoar.

Genesis 32:25

As tra honnick eh nagh chossyn eh er, venn eh rish kione e lheeasid: as va slheeasid Yacob ass ynnyd, myr v’eh gleck rish.

Genesis 32:32

Shen-y-fa cha vel cloan Israel gee jeh’n feh ren shyrgaghey, t’er kione y lheeasid, derrey’n laa t’ayn jiu: er-y-fa dy venn eh rish kione slheeasid Yacob ayns y feh ren farbagh.

1 Reeaghyn 12:25

Eisht hrog Jeroboam Shechem er cronk Ephraim, as ren eh cummal ayns shen; as hie eh magh veih shen, as hrog eh Penuel.

1 Reeaghyn 18:26

As ghow ad yn dow va er ny chur daue, as daarlee ad eh, as deïe ad er ennym Vaal veih’n voghrey dy jarroo gys yn vun-laa, gra, O Vaal, clasht rooin! Agh cha row coraa, ny fer erbee ren gansoor. As ren ad lheimyragh mygeayrt yn altar v’ad er droggal.

Psalmyn 38:17

As ta mish, dy firrinagh, soit ayns y cherraghey trome: as ta my hrimshey kinjagh kiongoyrt rhym.

Exodus 24:10

As honnick ad gloyr Yee Israel: as va fo e chassyn myr dy beagh eh obbyr-laare dy chlagh-sapphire, as sollys myr corp yn aer ayns e aalid.

Exodus 24:11

As er ard-gheiney chloan Israel cha lhie eh e laue: honnick ad gloyr Yee myrgeddin, as ren ad gee as giu.

Isaiah 6:5

Eisht dooyrt mee, Smerg dooys! cre’n erree hig orrym; er-yn-oyr dy vel mee my ghooinney jeh meillyn neu-ghlen, as ta mee cummal mastey pobble jeh meillyn neu-ghlen: son ta my hooillyn er vakin y Ree, Chiarn ny flaunyssee.

Malachi 4:2

Agh erriuish ta goaill aggle roish my ennym, nee yn ghrian dy ynrickys girree lesh slaynt ayns e skianyn; as hed shiuish er nyn doshiaght, as gaase myr ny lheiyee slane beiyht.

2 Corinthianee 12:7

As er-yn-oyr nagh goïn rouyr orrym trooid yrjid ny ashlishyn, va jolg er ny choyrt dooys ayns yn eill, chaghter Satan dy my smaghtaghey, er-aggle dy beign ro ard-aignagh.

2 Corinthianee 12:9

As dooyrt eh rhym, Ta’n ghrayse aym’s fondagh er dty hon; son ta’n niart aym’s dy slane er ny hoilshaghey ayns annooinid. Ny s’arryltee er-y-fa shen neem’s boggyssagh ayns my annooinidyn, dy vod pooar Chreest ve breeoil aynym.

Deuteronomy 5:24

As dooyrt shiu, Cur-my-ner, ta’n Chiarn y Jee ain er hoilshaghey dooin e ghloyr, as e phooar, as ta shin er chlashtyn e choraa veih mean yn aile: ta shin er vakin jiu, dy vel y Chiarn loayrt rish dooinney, as y dooinney foast bio.

Deuteronomy 5:26

Son quoi’n dooinney ’sy theihll t’er chlashtyn coraa’n Jee bio, loayrt ass mean yn aile, (myr ta shinyn) as eh ve bio?

Briwnyn 6:22

As tra dennee Gideon dy nee ainle y Chiarn v’ayn, dooyrt Gideon, Aless, O Hiarn Yee! son dy vel mee er vakin ainle y Chiarn eddin dy eddin.

Briwnyn 6:23

As dooyrt y Chiarn rish, Shee dy row hood; ny gow aggle: cha vow baase.

Briwnyn 8:8

As hie eh seose veih shen gys Penuel, as loayr eh roosyn myrgeddin: as dansoor deiney Penuel eh myr ren deiney Succoth.