Genesis 32:30 - Yn Vible Casherick 1775 1819

³⁰ As denmys Jacob yn ynnyd shen Peniel; Son ta mee er vakin Jee eddin ry eddin, as foast ta mee bio.

Genesis 32:30 ပူးပေါင်းရင်းမြစ်များ

Genesis 16:13

As ren ee geamagh er ennym y Chiarn ren loayrt r’ee [gra] T’ou uss Yee er m’y akin: son dooyrt ee, Vel mish myrgeddin er vakin eshyn t’ayns shoh er yeeaghyn orrym?

Genesis 28:19

As denmys eh yn ynnyd shen Beth-el: agh va’n ard-valley shen enmyssit Luz ec y toshiaght.

Genesis 35:9

As hoilshee Jee eh-hene da Jacob reesht, tra haink eh magh ass Padan-aram: as vannee eh eh.

1 Reeaghyn 12:25

Eisht hrog Jeroboam Shechem er cronk Ephraim, as ren eh cummal ayns shen; as hie eh magh veih shen, as hrog eh Penuel.

Exodus 33:14

As dooyrt eshyn, Bee my enish mayrt, as ver-ym dhyt fea.

Isaiah 6:5

Eisht dooyrt mee, Smerg dooys! cre’n erree hig orrym; er-yn-oyr dy vel mee my ghooinney jeh meillyn neu-ghlen, as ta mee cummal mastey pobble jeh meillyn neu-ghlen: son ta my hooillyn er vakin y Ree, Chiarn ny flaunyssee.

Isaiah 9:5

Son ta dy chooilley vagher-caggee yn treanagh lesh tharmane boiragh, as garmadyn seiyt ayns fuill; agh bee shoh lesh lostey, as stoo son yn aile.

Earrooyn 12:8

Rishyn nee’m loayrt beeal ry beeal, ta shen, dy foshlit: cha nee ayns raaghyn dorraghey; as co-chaslys jeh’n Chiarn ver eh my-ner; cre’n-oyr eisht, nagh row aggle erriu, dy loayrt noi my harvaant Moses?

Noo Ean 1:18

Cha vel unnane erbee er vakin Jee ec traa erbee; yn ynrycan Mac v’er ny gheddyn, ta ayns oghrish yn Ayr, eshyn t’er hoilshaghey eh.

1 Corinthianee 13:12

Son nish ta shin fakin trooid gless dy dorraghey; agh eisht eddin dy eddin: nish ta my enney ayns ayrn; agh eisht bee my enney dy jarroo myr ta enney orrym pene.

2 Corinthianee 3:18

Agh shinyn ooilley lesh eddin foshlit, cur-my-ner myr ayns gless gloyr y Chiarn, ta shin er nyn gaghlaa gys y chaslys cheddin, veih gloyr gys gloyr, myr liorish Spyrryd y Chiarn.

2 Corinthianee 4:6

Son ta Jee, doardee yn soilshey dy hoilshean ass y dorraghys, er hoilshean ayns ny creeaghyn ain, dy chur soilshey jeh tushtey dy ghloyr Yee, ayns fenish Yeesey Creest.

Galatianee 1:6

Ta mee goaill yindys, dy vel shiu cha leah er nyn jyndaa, voishyn ren shiuish y eam trooid grayse Chreest, gys sushtal elley:

Ephesianee 1:17

Dy jean Jee nyn Jiarn Yeesey Creest, Ayr ny ghloyr, cur diuish yn Spyrryd dy chreenaght as dy hoilshey flaunyssagh, dy choyrt enney er:

Deuteronomy 34:10

As cha hrog phadeyr er-dy-henney ayns Israel goll-rish Moses, da ren y Chiarn soilshaghey eh hene eddin dy eddin:

Deuteronomy 5:24

As dooyrt shiu, Cur-my-ner, ta’n Chiarn y Jee ain er hoilshaghey dooin e ghloyr, as e phooar, as ta shin er chlashtyn e choraa veih mean yn aile: ta shin er vakin jiu, dy vel y Chiarn loayrt rish dooinney, as y dooinney foast bio.

Colossianee 1:15

Eshyn ta co-chaslys yn Jee nagh vod ve er ny akin, yn chied-er-ny-gheddyn jeh dy chooilley chretoor:

2 Timothy 1:10

Agh ta nish er ny hoilshaghey liorish cheet nyn Saualtagh Yeesey Creest, ta er stroie yn baase, as er choyrt lesh bea as bioys son dy bragh gys soilshey, liorish y sushtal:

Hebrewnee 11:27

Liorish credjue daag eh Egypt, gyn aggle er roish jymmoose y ree: son ren eh gymmyrkey eh dy dunnal, myr ’sy chilley echeysyn ta ass fakin.

Joshua 5:13

As haink eh gy-kione, tra va Joshua er-gerrey da Jericho, dy hrog eh seose e hooillyn as yeeagh eh, as cur-my-ner, va dooinney ny hassoo jeeragh roish, as cliwe rooisht ny laue: as hie Joshua huggey, as dooyrt eh rish, Vel uss er y cheu ainyn, ny son nyn noidyn?

Briwnyn 13:17

As dooyrt Manoah rish ainle y Chiarn, Cre ta dty ennym, dy vod mayd, tra vees dty ghoan jeant mie, ooashley y choyrt dhyt.

Briwnyn 13:18

As dooyrt ainle y Chiarn rish, Cre’n-fa t’ou fênaght myr shoh lurg m’ennym’s, ta folliaght?

Briwnyn 8:17

As vrish eh sheese toor Penuel, as varr eh deiney’n ard-valley.

Briwnyn 8:8

As hie eh seose veih shen gys Penuel, as loayr eh roosyn myrgeddin: as dansoor deiney Penuel eh myr ren deiney Succoth.