Genesis 32:3 - Yn Vible Casherick 1775 1819

³ As hug Jacob chaghteryn roish gys Esau e vraar, gys thalloo Seir, cheer Edom.

Genesis 32:3 ပူးပေါင်းရင်းမြစ်များ

Genesis 14:6

As ny Horiteyn ayns cronk Seir, gys El-paran, ta liorish yn aasagh.

Genesis 25:30

As dooyrt Esau rish Jacob, Cur dou, ta mee guee ort, paart jeh’n bee jiarg shen; son ta mee faiynt: shen-y-fa v’eh enmyssit Edom.

Genesis 32:11

Livrey mee, ta mee guee ort, veih laue my vraar, veih laue Esau: son ta mee goaill aggle roish, dy jig eh as dy stroie eh mish, as y voir marish y chloan.

Genesis 32:7

Eisht va Jacob dy mooar agglit as seaghnit: as rheynn eh yn sleih va mârish, as ny shioltaneyn as shellooyn, as ny camelyn, ayns daa heshaght;

Genesis 33:14

Lhig da my hiarn, ta mee guee ort, goll harrish roish e harvaant: as hem’s er my hoshiaght ass my aash, cordail myr vees y maase ta goll roym, as y chloan er y hon; derrey hig-ym gys my hiarn, gys Seir.

Genesis 33:16

Myr shen hyndaa Esau yn laa shen, er y raad gys Seir.

2 Samuel 2:8

Agh Abner mac Ner, captan sheshaght-caggee Saul, ghow eh Ish-bosheth mac Saul, as hug eh lesh eh harrish gys Mahanaim:

2 Reeaghyn 6:17

As ghow Elisha padjer, as dooyrt eh, Hiarn, ta mee guee ort, foshil ny sooillyn echey dy vod eh fakin. As doshil y Chiarn sooillyn y dooinney aeg, as honnick eh; as cur-my-ner, va’n slieau lane dy chabbil as dy ainee aile ooilley mygeayrt Elisha.

1 Recortyssyn 12:23

As shoh coontey ny sheshaghtyn va slane armit son y chaggey, as haink gys David gys Hebron, dy chaghlaa reeriaght Saul huggeysyn, cordail rish goo’n Chiarn.

Arrane Solomon 7:1

Cre cha stoamey ta dty chassyn lesh braagyn, O inney reeoil! ta juntyn dty lheaystyn myr jewellyn, obbyr-lauee yn er-keirdee schleioil.

Isaiah 21:11

Briwnys Dumah. T’eh geamagh hym veih Seir, Arreyder, cre ta skeeal yn oie? arreyder, cre ta skeeal yn oie?

Jeremiah 49:7

Mychione Edom, shoh ta Chiarn ny flaunyssee gra, Vel creenaght arragh ayns Teman? vel coyrle er vailleil veih’n vooinjer hushtagh? vel ad ooilley er choayl nyn geeayll?

Malachi 3:1

Cur-my-ner, ver-yms magh my haghter, as kiartee eh yn raad roym: as hig y Chiarn, ta shiu jeeaghyn er e hon, dy gerrit gys e hiamble; eer chaghter y chonaant, ayn ta shiuish goaill taitnys: Cur-my-ner nee eh cheet, ta Chiarn ny flaunyssee dy ghra.

Earrooyn 24:18

As bee Edom son eiraght, bee Seir myrgeddin son cummal da e noidyn, as nee Israel gymmyrkey eh hene dy dunnal.

Noo Luke 9:52

As hug eh chaghteryn roish: as jimmee ad, as haink ad gys balley jeh ny Samaritanee dy aarlaghey er e hon.

Deuteronomy 1:2

(Ta jurnah un laa jeig, veih Horeb raad cronk Seir, gys Kadesh-barnea,)

Deuteronomy 2:22

Myr ren eh rish cloan Esau va cummal ayns Seir, tra stroie eh ny Horimee roue, as haink ad, as chum ad ’syn ynnyd oc, eer gys y laa jiu:

Deuteronomy 2:5

Ny cur-jee eïe orroo; son cha der-yms diuish wheesh lheead trie jeh’n cheer oc, er-yn-oyr dy vel mee er choyrt cronk Seir da Esau son eiraght.

Joshua 13:30

As va’n ayrn ocsyn veih Mahanaim, ooilley Bashan, ooilley reeriaght Og ree Vashan, as ooilley baljyn Jair, t’ayns Bashan, three-feed balley;

Joshua 24:4

As hug mee da Isaac, Jacob as Esau: as da Esau hug mee cronk Seir son e chummal: agh hie Jacob as e chloan sheese gys Egypt.