Genesis 32:26 - Yn Vible Casherick 1775 1819

²⁶ As dooyrt eh, Lhig y raad dou, son ta’n laa brishey: as dooyrt eh, Cha lhig-ym yn raad dhyt, mannagh jean oo mee y vannaghey.

Genesis 32:26 ပူးပေါင်းရင်းမြစ်များ

Hosea 12:4

Dy jarroo va pooar echey harrish yn aile, as hooar eh yn varriaght: ren eh keayney as jannoo accan huggey: hooar eh ayns Beth-el eh, as ayns shen ren eh loayrt rooin:

Psalmyn 67:1

Dy row Jee myghinagh dooin, as dy bannee eh shin: as soilshey e eddin y yeeaghyn dooin, as dy row eh myghinagh dooin.

1 Recortyssyn 4:10

As deïe Jabez gys Jee Israel, gra, Oh dy jinnagh oo mish y vannaghey dy jarroo, as my ardjyn y heeyney magh, as dy bee dty laue mârym dy my reayll veih tranlaase, nagh bee’m seaghnit liorish. As hug Jee e yeearree da.

Arrane Solomon 3:4

As s’coan va mee er n’gholl voue, derrey hooar mee graih my annym: chum mee eh, as cha lhiggin y raad da, derrey hug mee lhiam eh gys thie my vayrey, as gys y chamyr ecksh ren m’y yientyn.

Romanee 8:37

Agh ta shin er n’gheddyn ny smoo na’n varriaght ayns ooilley ny reddyn shoh, ny hrooidsyn hug graih dooin.

Exodus 32:10

Shen-y-fa nish, faag mee, dy vod my yymmoose brishey magh nyn ’oï, as dy voddym ad y stroie; as neem’s jeed’s ashoon mooar.

Hebrewnee 5:7

Ayns laghyn e ghooghys-foalley, tra v’eh er hebbal padjeryn as aghinyn, lesh eam jeean as jeïr, huggeysyn va pooaral dy hauail eh veih baase, as v’eh er ny livrey veih shen ny ghow eh aggle [crauee] roish;

1 Corinthianee 15:58

Shen-y-fa, my chaarjyn graihagh, shass-jee shickyr, gyn scughey, dy kinjagh goll er nyn doshiaght ayns obbyr y Chiarn, son wheesh as dy vel fys eu nagh vel y laboraght eu ayns fardail ayns y Chiarn.

Isaiah 64:7

As cha vel unnane ta geamagh er dty ennym, ta greinnaghey seose eh-hene dy ghoaill greme ort: son t’ou er n’ollaghey dty eddin voïn, as er choyrt naardey shin, kyndagh rish nyn mee-chairys.

Isaiah 45:11

Myr shoh ta’n Chiarn dy ghra, Jee casherick Israel, as e Er-croo, Jean-jee briaght jeem’s son reddyn ta ry-heet mychione my vec; as brie-jee dy imneagh jee’m mychione obbyr my laueyn.

Arrane Solomon 7:5

Ta dty chione myr Carmel, as ta folt dty ching myr ny atteeyn gorrym-jiarg, t’ayns ny shamyryn reeoil.

Deuteronomy 9:14

Faag mee dou hene, dy voddym ad y stroie, as dy bollagh dolley ass yn ennym oc fo niau; as neem’s uss y hoiaghey seose harrish ashoon ny s’pooaral as ny smoo na ad shoh.

Genesis 32:25

As tra honnick eh nagh chossyn eh er, venn eh rish kione e lheeasid: as va slheeasid Yacob ass ynnyd, myr v’eh gleck rish.

Genesis 32:27

As dooyrt eh rish, Cre ta dty ennym? as dooyrt eh, Jacob.